VOV4.Sêdang - Kơxo lơ 2/6, a ilâng kiâ mố đô̆i tơring tơkăng kong Ngọc Hồi, tung tơdroăng ki ‘mâi hơtĭng, Khu pơkuâ Đảng, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê Kon Tum tơkŭm po leh, ‘mế 9 to kơxêng kiâ mố đô̆i ƀă mâu khu ki rơkê plĕng Việt Nam hlâ tung rôh tơplâ châ Đô̆i K53 tăng tơkŭm a 3 to kong pơlê peăng hdroh Lếo rơnó mơdrăng kố nah. Vâ hbrâ mơdât pơreăng COVID-19, leh pôu ngăn, mơdâm, ‘mế kơxêng mâu ki hlâ châ kong pơlê Kon Tum tơkŭm po thâ rĕng, iâ ngế veăng ƀă pêi pro kơtăng mâu troăng hơlâ hbrâ mơdât pơreăng.

Pôu ngăn, mơdâm ƀă ‘mế kơxêng mâu mố đô̆i ki hlâ

Tung 9 to kơxêng mô đô̆i ki châ ‘mế a ilâng kiâ mố đô̆i tơring Ngọc Hồi, kong pơlê Kon Tum, ai 1 to kơxêng ki mố đô̆i châ tơkŭm a kong pơlê Champasak; 6 to kơxêng châ tơkŭm a kong pơlê Sekong ƀă 2 to kơxêng châ tơkŭm a kong pơlê Attapeu.

Katarina Nga tơplôu ƀă tơbleăng