VOV4.Sêdang -Kơxo lơ 28/4, a pơlê kong kơdrâm Kon Tum, Hô̆i đong hnê ngăn kong pơlê Kon Tum hneăng 11 pơxiâm po hneăng hôp roh má 12, xuân a rôh hôp mơgêi hneăng hơnăm 2016-2021. Sap ing apoăng hneăng troh hdrối vâ hôp roh má 12 mơgêi  hneăng, Hô̆i đong kong pơlê Kon Tum hneăng 11 hôp tiah hmâ ƀă 8 rôh hôp tối xiâm tơdroăng; Pơkâ 299 pơkâ pro xiâm vâ mâu kơvâ cheăng, rêm râ tơkŭm po tơbleăng pêi.

Mâu kăn veăng hôp

Mâu pơkâ dêi Hô̆i đong kong pơlê Kon Tum pơkâ châ tối hiăng teăm nhên mơhno troăng hơlâ dêi Đảng, luât pơkâ dêi tơnêi têa, tơtro ƀă tơdroăng ki ai khât a kong pơlê rĕng xúa tung rêh ối châ khu mơdró, mâu kuăn pơlê môi tuăn.  Tung pơla 2 hâi po hneăng hôp roh má 12, Hô̆i đong kong pơlê Kon Tum hneăng 11 kô séa ngăn 65 tơdroăng kal, mê ai 14 tơdroăng tối tơbleăng ƀă 51 hlá mơ-eá, pơtroh ăm, tơdroăng chêh pơkâ.

Tung mê, ai hên tơdroăng châ kuăn pơlê vâ tơmâng ƀă kuăn pơlê tung kong pơlê vâ ‘nâi plĕng, mê cho: Luât pơkâ xo ƀă xúa kơlo ki xo liăn nâp drêng rah xo mot hriâm rêm râ; ‘Na tơdroăng kơjo kum dêi mâu khu mơdró kŭn ƀă krâ kơvâ tung kong pơlê Kon Tum pơla hơnăm 2021-2025; pơkâ troăng hơlâ ‘no liăn cheăng, ‘mâi hơ’leh troăng hơlâ ‘no liăn cheăng ƀă mâu tơdroăng tơkêa bro ‘no liăn cheăng cho dêi Hô̆i đong kong pơlê.

Gương tơplôu ƀă tơbleăng