VOV4.Sedang - Tung pơla thăm pêi pro mâu troăng hbrâ mơdât COVID 19, kơvâ Kơmăi kơmok tê mơdró kong pơlê Kon Tum hiăng hbrâ pơkuâ, pơtroh mâu tơmeăm khoăng vâ tơniăn kơchơ tê mơdró. Khu pơkuâ kơmăi kơmok tê mơdró Kon Tum hiăng pêi cheăng ƀă rêm tíu cheăng ai tŭm tơmeăm vâ mơdêk kơxô̆ tơmeăm ki ‘măn tơniăn ai tiô tơdroăng kal vâ xúa ƀă pro hmiân tuăn ăm kuăn pơlê tung pơla pêi pro mâu troăng hbrâ mơdât COVID 19.

Kơbong ‘măn tơmeăm tơniăn yă a môi tíu tê mơdró a pơlê kong kơdrâm Kon Tum

Nôkố, mâu kơchơ kân siêu thĭ, mâu tíu xiâm tê mơdró, mâu khu ki mơjiâng pro ăm xuân hiăng hbrâ kơxô̆ tơmeăm hên hĭn, tâk sap ing 15 troh 20% tâng pơchông ƀă tơdroăng kal vâ hâi tiah hmâ. A mâu kơchơ tê mơdró ton nah kơxô̆ tơmeăm xuân hên bê tiô tơdroăng kal vâ rôe tơmeăm khoăng rêm hâi dêi kuăn pơlê.

A Sa Ly tơplôu ƀă tơbleăng