VOV4.Sêdang - Kơxo lơ 3/8, kong pơlê Kon Tum ai tơ’nôm 2 ngế yương tĭnh ƀă SARS-CoV-2 cho ngế ki vêh sap ing kơpong ki ai pơreăng. Kố cho 2 ngế ki yương tĭnh ƀă SARS-CoV-2 má 15 ƀă má 16 châ ‘nâi a kong pơlê Kon Tum. Tá 2 ngế ki kố pơrá cho vêh sap ing Pơlê kong kân Hồ Chí Minh ngi kong pơlê Kon Tum ƀă hiăng châ ăm ối krê tơkŭm a Tíu má 1 Hngêi trung Cao đẳng Cộng đồng.

Klêi kơ’nâi séa ngăn rôh má 3 yương tĭnh ƀă SARS-CoV-2 ƀă túa Realtime RT-PCR tá 2 ngế ki kố châ chiân troh a tíu má 2 Hngêi pơkeăng Y dược cổ truyền – Phục hồi chức năng klâ krê pơlât. Riân troh kơxo lơ 3/8, kong pơlê Kon Tum hiăng ai 16 ngế yương tĭnh ƀă SARS-CoV-2 ƀă tá hâi ai ngế ki lâi tâ COVID-19 tung pơlê pơla.

Katarina Nga tơplôu ƀă tơbleăng