VOV4.Sêdang - Pôa Nguyễn Trúc Bồng Sơn, kăn pơkuâ Tíu xiâm Hnê mơhnhôk pêi chiâk pêi deăng Lâm Đồng, ăm ‘nâi, Kơphế arabica Đà Lạt dêi Việt Nam pơxiâm ai inâi tung kơchô tê mơdró kơphế lâp plâi tơnêi drêng nếo châ Ko\ng ti Starbucks pơxiâm tâ tung trang web vâ tê roê, tung kơchô tê mơdró kơphế lâp plâi tơnêi. Tiah mê, kơphế chế Đà Lạt dế ối cho môi tung 7 túa kơphế chế dêi lâp plâi tơnêi châ Starbucks rah xo. Starbucks cho môi ko\ng ti kân má môi hmâ tê mơdró kơphế tung lâp plâi tơnêi, ai lối 21 rơpâu 500 tíu tê tơmeăm a 56 kong têa [ă kơpong tơnêi tơníu, tung mê, ai 12 rơpâu 218 tíu tê mơdró a Mih. Kố cho ko\ng ti ki châ loi tơngah ki apoăng dêi lâp plâi tơnêi tung tơdroăng ki tê mơdró ăm tơmối ki tơpá châ rah xo kơphế arabica châ rah xo sap ing kơpong kơphế ki vâi ô-eăng môi tiah: Brazil, Comlombia [ă hên kong têa ki ê.

Katarina Nga tơplôu