VOV4.Sêdang - Tơbâ 90 hơnăm Hâi mơjiâng đoan droh rơtăm Kŏng san Hồ Chí Minh, mâu hâi hdrối kố nah, a tơring ki malối xơpá M’Drak, kong pơlê Dak Lak hiăng po hên mâu tơdroăng cheăng dêi mâu droh rơtăm mơhnŏng pleăng tơdroăng cheăng xua tơdroăng rêh ối dêi pơlê pơla ki khu droh rơtăm a tơring M’Drak pêi pro tunghmôi khế hdrối kố nah.

Droh rơtăm rơtế veăng kum ivá pro bâ eăng a troăng ƀuôn Pa, cheăm Čư̆ Prao.

Ngoh Nông Anh Dũng, kăn pơkuâ ngăn đoân tơring M’Drak, ăm ‘nâi, rơtế ƀă mâu tơdroăng cheăng gô̆m văng xok, mơgrúa lĕm hyôh kong prâi, pêt loăng ngiât a ngo lĭng, droh rơtăm tơring ối tơkŭm pêi tung mâu tơdroăng cheăng ki kal môi tiah kum kuăn pơlê kơpong ki rêh ối a kĭng long têa Krông Pač thượng a cheăm Čư̆ San ‘mâi xê̆n troh a kơpong ki pro pơlê nếo. Mâu tơdroăng cheăng ki hơ-ui kum, mơjiâng pro kơpong xah hêi ăm mâu vâi o phô̆m vâ xông kân, pro kông ăm kuăn pơlê prôk lăm. Mâu tơdroăng cheăng ki pêi pro tŏng kum ăm kơpong hngế hngo, kơpong hdroâng kuăn ngo.

Katarina Nga tơplôu ƀă tơpbleăng