VOV4.Sêdang - Nôkố tâi tâng mâu kong pơlê tung kơpong Tơbăng kroăng Cửu Long hiăng pơkâ túa vâ pâk vaccine ăm mâu vâi o hok tro râ má pái. Tung pơla tơbleăng, mâu kong pơlê tơtrŏng troh tơdroăng ki khăm séa ngăn kih thuâ̆t, rak tơniăn khât ăm mâu ngế ki pâk. Pơxiâm sap ing hâi lơ 3/11, Kiên Giang pâk vaccine ăm lối 13.200 ngế hok tro lâm 12 hê̆ phôh thong ƀă yăo dục thường xuyên tung lâp kong pơlê.Mâu hok tro lâm 12 kô châ pâk tung 1 hâi ƀă pâk tâi mâu ngế ki tá hâi teăm châ pâk a hâi kơ’nâi a hngêi trung tíu ki hok lơ tíu xiâm ngăn pơkeăng ƀă khămpơlât râ tơring lơ a hngêi pơkeăng cheăm, bêng.

A kong pơlê Hậu Giang, tiô pơkâ dêi Vi ƀan hnê ngăn kong pơlê sap ing lơ 4 troh lơ 6/11 la ngiâ, kong pơlê kô tơkŭm pâk vaccine hbrâ mơdât COVID-19 ăm vâi hdrêng sap ing 12 troh pá xôp 18 hơnăm ƀă vaccine Pfizer tiô pơkâ dêi Khu xiâm ngăn pơkeăng ƀă khăm pơlât.

Katarina  Nga tơplôu ƀă tơbleăng