VOV4.Sêdang - Drêng ai pơreăng ối tâ tú ó, ki malối cho pơreăng COVID-19, mê kơvâ ngăn ‘na pơkeăng [ă khăm pơlât kong pơlê Gia Lai hiăng tơku\m mơdêk hnoăng cheăng vâ hbrâ mơdât, khăm pơlât [ă ‘mâi mơnhông kơvâ khăm pơlât a pơlê cheăm. Ing mê, kơvâ ngăn ‘na pơkeăng hiăng châ chiâng pêi pro hên tơdroăng ki ‘ló mơnê tung hnoăng cheăng rak ngăn ivá châ chăn kuăn pơlê, ki rơhêng vâ tối cho hnoăng cheăng hbrâ mơdât pơreăng COVID-19.

{ă tơdroăng mơ-eăm khât, hơnăm 2020, kơvâ ngăn pơkeăng kong pơlê Gia Lai hiăng pêi châ luâ tơdroăng pơkâ. Malối, [ă pơreăng Covid-19, kơvâ ngăn pơkeăng hiăng tơru\m [ă mâu tơring cheăm klâ krê lối 14 rơpâu ngế (klâ krê a mâu hngêi pơkeăng pơlât cho 491 ngế, a kơpong klâ krê tơchoâm 1.363 ngế, kơxo# ki u ối klâ krê a hngêi). {ă tơdroăng kơdo mơ-eăm [ă rơtế veăng mơdât pơreăng tâ tú, troh nôkố, lâp tung kong pơlê hâi hlo ai ngế ki lâi tâ pơreăng COVID-19.

Pơreăng COVID-19 hiăng ai virus ki pro chiâng tơ ê, gá tâ tâ tú re\ng, xua mê, Gia Lai hiăng hbrâ mơjiâng hngêi pơkeăng lêng a Tíu xiâm pơlât ki tơ-[rê tâ dêi Hngêi pơkeăng kân kong pơlê Gia Lai. Ing mê, hngêi pơkeăng mê ‘măn 300 to xoăng koi pơlât; rôh apoăng tơdah xo pơlât ăm 50 ngế. Hngêi pơkeăng lêng ai mâu tíu pêi cheăng ki rơkê vâ tơdah xo pơlât mâu ngế ki tâ tú [ă SARS-CoV-2 môi tiah: Veăng krâ ‘măn mâu kơmăi pơlât ăm kơtâu kơkốu, veăng pâ, veăng mơhum kuăn [ă veăng pơlât.

Vâ pơkuâ ngăn hngêi pơkeăng kong pơlê Gia Lai hiăng rah xo [ok thái pơkeăng Nguyễn Tấn Phúc, Kăn pho\ pơkuâ hngêi pơkeăng kân kong pơlê, hlối pro Kăn pơkuâ hngêi pơkeăng lêng pơlât pơreăng COVID-19. Ing mê, hngêi pơkeăng ai tơdroăng cheăng pêi tơku\m cheăng  tơku\m tơdah xo, klâ krê, pơlât, rak ngăn ăm mâu ngế ki tro tâ pơreăng COVID-19 tiô pơkâ [ă pêi tro tiô kih thuât x^ng xoăng tơdroăng cheăng pêi dêi Hngêi pơkeăng pơlât.

Sap ing lơ 29/1 troh lơ 21/2/2021, tâi tâng kơxo# túa châ xo [ă khăm ngăn mơheăm tung lâp kong pơlê Gia Lai ai 17 rơpâu 756 túa; tung mê, ai 27 ngế dương tính, 45 rơpâu ngế âm tính, ki u ối dế tơkôm ngăn. Tung 27 ngế dương tính [ă SARS - CoV-2 dế pơlât a hngêi pơkeăng lêng [ă mâu hngêi pơkeăng ki ê, ai 3 ngế âm tính roh má 5,  [ă 3 ngế  âm tính roh má 4 [ă môi ngế âm tính roh má 3.

Tung hâi lơ 21/2, ngế ki tâ virus SARS – CoV-2 apoăng a Gia Lai ối a bêng }eo Reo, pơlê kong krâm Ayun Pa, pơlât a Hngêi pơkeăng pơlê kong krâm Ayun Pa hiăng châ lo ing hngêi pơkeăng klêi kơ’nâi khăm ngăn má 5 hlo âm tính.

Pơtối tơbleăng hnê pêi tơ-[rê mâu tơdroăng hbrâ mơdât pơreăng Covid-19, ôh tá ăm pơreăng châ tâ tú tung kuăn pơlê, malối klêi kơ’nâi Têt Lo hơnăm nếo 2021, Khu hnê mơhno hbrâ mơdât pơreăng COVID-19 kong pơlê Gia Lai nếo tơbleăng kơxo# 33/CV- BCĐ ‘na séa ngăn mâu kuăn pơlê ki lo ing mâu kơpong ai pơreăng COVID-19 tâ tú lăm troh a kong pơlê kố.

Ing mê, Khu hnê mơhno hbrâ mơdât pơreăng COVID-19 kong pơlê thế Khu ngăn pơkeăng pơlât hnê mơhno ăm ăm ngế ngăn pơkeăng tung kong pơlê, tơring, cheăm mơdêk hnoăng cheăng tơru\m [ă mâu kơ koan tơdjâk troh mâu tơring cheăm tí tăng ngăn vâ re\ng châ ‘nâi mâu ngế ki tâ tú SARS - CoV-2 ing mâu kơpong tâ tú pơreăng tung tơnêi têa, ing mê, séa ngăn teăm mơdât pơreăng ôh tá ăm tâ tú tung kuăn pơlê.

Tơku\m pêi kơtăng tơdroăng tối tơbleăng inâi ăm khu ngăn pơkeăng [ă khăm ngăn mâu ngế ki lo ing mâu kơpong tâ pơreăng tung tơnêi têa tiô tơdroăng tối tơbleăng dêi khu xiâm ngăn pơkeăng Pơlât. Tâi tâng mâu ngế lo ing mâu kơpong tâ pơreăng tung tơnêi têa troh a kong pơlê Gia Lai tung pơla 14 hâi xuân thế tối tơbleăng tơná ăm kơ koan khu râ pơkuâ cheăng.

Khu ngăn pơkeăng pơlât hnê mơhno ăm Tíu xiâm séa ngăn pơreăng kong pơlê hnê pêi tơdroăng séa ngăn mơdât pơreăng khăm ngăn mơheăm [ă mâu ngế ki lo ing mâu kơpong ai tâ pơreăng tung tơnêi têa [ă po ngăn rêm hâi vâ ‘nâi tơdroăng pơreăng tâ tú vâ mâu tíu pêi cheăng, cheăm, tơring, kong pơlê ‘nâ mâu tơdroăng vâ pêi pro. Mơdêk khăm ngăn mơheăm [ă mâu ngế ki lâi nhôm tâ pơreăng [ă xo ngăn mơheăm mâu ngế a tơraih rơxế, a tơriah tơ-[ai vâ châ séa ngăn đi đo.

Pơtối hnê mơhno ăm mâu hngêi pơkeăng, mâu tíu khăm pơlât thế đi đo tối tơbleăng tơná [ă tối nhên tiô tơdroăng pơkâ dêi Hngêi pơkeăng vâ tơniăn [ă Veăng khăm tơniăn - mơdât pơreăng COVID-19; thế tơtro\ng [ă mâu ngế ki lo ing mâu kong pơlê ki ê ki ai pơreăng, thế tơbleăng tối tơná ăm hngêi pơkeăng pơlât thế [ă tâi tâng mâu ngế ki lăm troh a hngêi pơkeăng. Hngêi pơkeăng pơlât, veăng khăm pơlât; pêi pro tơdroăng x^ng xoăng [ă séa ngăn kơtăng.

Hlo tâ tú rơ-iô dêi pơreăng COVID-19 a kong pơlê Gia Lai, apoăng khế 2/2021, pôa Đỗ Xuân Tuyến, Kăn pho\ xiâm ngăn pơkeăng pơlât hiăng pêi cheăng [ă kong pơlê Gia Lai. Kăn xiâm pho\ ngăn pơkeăng tối pơchân kong pơlê Gia Lai ai hên kuăn pơlê hdroâng kuăn ngo mê athế tơmâng khât ‘na tơdroăng hnê tối thế hbrâ mơdât pơreăng kơpong hdroâng kuăn ngo vâ kuăn pơlê pêi pro tro tiô tơdroăng hnê mê; pêi pro tiô pơkâ ‘’4 tơdroăng amê’’; pêi pro tơpéa tơdroăng. Pak^ng hbrâ mơdât pơreăng COVID-19, thế tơtro\ng tơmâng khât troh hbrâ mơdât pơreăng ki ê.

Hlá tơbeăng Gia Lai

Gương tơplôu [ă tơbeăng