VOV4.Sêdang - Khu ngăn pơkeăng [ă khăm pơlât Lâm Đồng nếo tơku\m po rôh hôp mơgêi hnoăng cheăng khăm pơlât hơnăm 2020 [ă tối tơbleăng hnoăng cheăng ki kal tung hơnăm 2021. Drêng kố, Khu ngăn pơkeăng [ă khăm pơlât Lâm Đồng hiăng pơkâ thế mâu tíu pêi cheăng tung kơvâ cheăng, Hngêi pơkeăng Hoàn Mỹ Đà Lạt pơkâ mâu troăng hơlâ hbrâ mơdât pơreăng [ă rak tơniăn hnoăng cheăng khăm pơlât tung rôh Têt Lo hơnăm nếo hơnăm 2021.

Tiô tơbleăng dêi kơvâ ngăn pơkeăng Lâm Đồng, hơnăm nah, kơvâ ngăn tơdroăng cheăng hbrâ mâu rơdroăng [ă tơbleăng mâu tơdroăng cheăng hbrâ mơdât Covid-19, troh nôkố, ôh tá ai ngế ki lâi tro pơreăng Covid-19; tí tăng ngăn ‘na pơreăng tâ tú a mâu kong pơlê xuân môi tiah pơreăng tâ tú nếo, ôh tá hlo ai pơreăng tâ tú hên.

Mâu tíu khăm pơlât tung mâu kơvâ cheăng hiăng tơku\m po khăm pơlât ăm lối 2,2 rơtuh ngế châi tamo, châ vâ chê 96% tâng vâ pơchông [ă tơdroăng pơkâ tung hơnăm. Kơxo# mơngế xúa koi xoăng pơlât a tung lâp kong pơlê vâ tâi. Mâu tíu khăm pơlât tối a mâu kơpong klâ krê pơlât, xing xoăng veăng khăm pơlât ăm mâu ngế tâ tú pơreăng troăng rơkong [ă mâu ngế ki nhôm tâ pơreăng Covid 19 tiô troăng hnê mơhno. Kơxo# liăn khăm pơlât ăm mâu kơtiê tung kong pơlê hiăng kơjo kum iâ liăn pơlât ăm dâng 3.000 ngế kơtiê, mâu ngế tâ pơreăng ki pá pơlât prêi [ă tâi tâng kơxo# liăn lối 12,3 rơtal liăn.

Tơdroăng cheăng ki kal tung hơnăm 2021, kơvâ ngăn pơkeăng tơku\m rak ngăn mơdêk pêi tơ-[rê hnoăng cheăng séa ngăn, hbrâ mơdât pơreăng; pêi pro mâu tơdroăng cheăng kring vế [ă rak ngăn ivá kuăn pơlê; khăm pơlât tơniăn, tơ-[rê, troh tơdroăng pêi tro tuăn kuăn pơlê ki châi tamo [ă mâu ngế troh khăm pơlât.

Sap ing apoăng hơnăm nếo 2021, khu ngăn pơkeăng kong pơlê Lâm Đồng hiăng pơtroh hlá mơ-éa hnê mơhno ăm mâu tíu pêi cheăng  tung kơvâ cheăng Hngêi pơkeăng Hoàn Mỹ Đà Lạt mơdêk hnoăng cheăng hbrâ mơdât pơreăng hơnăm 2021. Khu ngăn pơkeăng hnê mơhno ăm Tíu xiâm séa ngăn pơreăng kong pơlê mơdêk séa ngăn mâu tơdroăng pơkâ mot lo, khăm ngăn vâ re\ng châ ‘nâi hôm tâ pơreăng vâ teăm pơlât sap ing apoăng, pôi tá ăm tâ tú troh mâu ki ê.

Thế séa ngăn nhên ‘na pơreăng tâ tú a mâu tơraih tơ-[ai Liên Khương a mâu tíu khăm pơlât [ă tung kuăn pơlê; malối séa ngăn kơtăng mâu ngế ki lo ing kong têa ê, ing mâu kong têa ki achê ki dế ai pơreăng tâ tú; hnê mơhno bú ăm phêp mâu ki ê mot tung tơnêi têa pin ki ai tu\m hlá mơ-éa ăm phêp mot pêi pro tro tiô pơkâ, klâ ăm ối krê tro tiô tơdroăng hiăng pơkâ; re\ng châ ‘nâi, ăm klâ ối krê teăm pơlât mâu ngế ki nhôm tâ tú pơreăng.

Mâu tíu khăm pơlât, tung mâu kơvâ cheăng [ă hngêi pơkeăng kân Hoàn Mỹ Đà Lạt mơhno x^ng xoăng gak ngăn plâ hâi măng pêi pro tu\m tơdroăng; teăm tối tơbleăng tiô pơkâ; thế tu\m mơngế pêi, pơkeăng, tơmeăm xúa, kơmăi kơmok vâ tăm pơlât tơdrêng drêng ai mâu ngế kal vâ pơlât tơdrêng xua trâm xía vâ drô troăng prôk,  tro hơ-ôu kế kâ, lơ vâi kơdrâi mơhum kuăn ngá tung hâi Têt; ai troăng hơlâ pơkâ chơ djâ, lơ chơ pơlât hngêi pơkeăng râ kơpêng drêng ai tơdroăng kal vâ.

Pêi pro kơtăng tơdroăng x^ng xoăng mơngế cheăng, lơ xoăng cheăng tíu ki ê pêi tơ-[rê; mơdêk kơlo ki tối tơbleăng ăm ‘nâi hdrối, séa ngăn, tí tăng ngăn mâu ngế ki châi tamo [ă mâu nho\ng o mơngế ki châ mê âi lăm khăm, châ khăm hnê tối, pơlât; tơru\m [ă Tíu xiâm séa ngăn mơdât pơreăng kong pơlê po rơdâ tơdroăng khăm ngăn mơheăm [ă mâu ngế ki lâi nhôm tâ pơreăng, [ă tí tăng ngăn mâu hngêi pơkeăng pơkâ, tơmeăm vâ xúa khăm pơlât, tơmeăm xúa tung plâ mơdât pơreăng vâ hbrâ ai tơmeăm pêi re\ng, teăm drêng ai mâu tơdroăng; mơdêk tơdroăng khăm, hnê tối, pơlât ing hơngế; hnê tối pôi tá ăm nho\ng o xiâm tơná [ă mâu ki châi tamo troh lăm pôu ngăn, mơdêk tơdroăng pơlât tâi tâng ăm mâu ngế ki châi tamo a hngêi pơkeăng.

Hnê tối ăm mâu ngế cheăng ngăn pơkeăng mơdêk hnoăng cheăng [ă ‘nâi pêi cheăng tro tiô pơkâ, [ă pêi cheăng tro tơdroăng hnê thế pro tro tơdroăng pơkâ ‘na luât tơdah xo tơpui drêng kuăn pơlê lăm khăm, pơlât a hngêi pơkeăng. Mơjiâng pơkâ tơku\m po rak ngăn, lăm pôu rơkâu Têt mâu ngế ki pơlât a hngêi pơkeăng, malối cho mâu ngế kơtiê xahpá, mâu rơpo\ng kơtiê, mâu ngế ai inâi châ to\ng kum.

Ai pơkâ troăng hơlâ ‘măn rak kơxo# pơkeăng, mơheăm, trum pâk, têa pơkeăng vâ pâk, tơmeăm, trếo pơkeăng, tơmeăm xúa vâ pêi, mơhno ăm xoăng koi pơlât, rơxế chơ vâ lăm pơlât tơdrêng, kô ai tiô tơdroăng vâ chơ djâ lăm pơlât râ kơpêng.

Khu xiâm pro rak krúa kế kâ kong pơlê Lâm Đồng tơku\m pêi pro tiô pơkâ dêi Khu hnê mơhno mâu kơvâ cheăng ‘na pro rak krúa kế kâ; tiô pơkâ dêi Vi [an hnê ngăn kong pơlê ‘na rak tơniăn kế kâ tung rôh Têt Lo hơnăm nếo. Tơru\m [ă mâu tíu pêi cheăng, khu râ, kơvâ cheăng tơku\m po tơbleăng ‘na bro rak krúa kế kâ, tơbleăng tơdroăng pơkâ, tơniăn krúa kế kâ, tơbleăng ki ôh tá krúa kế kâ tung rôh Têt Lo hơnăm nếo troh ăm mơngế rôe xúa kế kâ, tê mơdró; Khu tơru\m cheăng dêi mâu kăn lăm séa ngăn, lăm ngăn teăm tơdrêng vâ châ ‘nâi, teăm mơdât [ă pơxâu phâk  kơtăng mâu ngế ki pro xôi luât ‘na pro rak krúa kế ka, kơdroh tro hơ-ôu kế kâ [ă mâu ngế ki tâ tú pơreăng ing kâ kế.

Hlá tơbeăng Lâm Đồng

Gương tơplôu [ă tơbleăng