VOV4.Sêdang - Tung 4 khế apoăng hơnăm, kơxô̆ liăn pêi lo ing tê tơmeăm ngi kong têa ê dêi kong pơlê Gia Lai ‘mâi mơnhông chía rơdêi ƀă kơlo tâk vâ  chê 48% tâng vâ pơchông ƀă khế kố hơnăm 2020. Xua mê, mơni kôm pêi klêi tơdroăng pơkâ 610 rơtuh dollars tung hơnăm 2021 cho tơdroăng ki ai khât. Nôkố, mâu kế tơmeăm ki tê ngi kong têa ê ki xiâm dêi kong pơlê xuân cho kơphế, kơxu, tiu, kơchâi plâi ƀă hên ki ê.

Mâu kế tơmeăm kố hiăng ai mâ a kơchơ dêi 40 to kong têa. Malối, ai mâu kong têa ki xơpá môi tiah Mih, EU, Nhuk. Ki xiâm cho kơphế ƀă kơxô̆ liăn châ xo châ lói 300 rơtuh dollars tung hơnăm. Lâp kong pơlê ai dâng 30 khu mơdró kâ veăng tê ngi tơmeăm ngi kong têa ê, tung mê, ai 11 khu mơdró kâ tê tơmeăm ngi kong têa ê cho kế tơmeăm pêi lo ing chiâk deăng.

Nôkố, kơxô̆ liăn pêi lo ing tê tơmeăm ngi kong têa ê dêi khu kế tơmeăm pêi lo ing chiâk deăng châ dâng 80%. Kăn pơkuâ khu ngăn cheăng kơmăi kơmok ƀă tê mơdró kong pơlê Gia Lai nếo pêi cheăng ƀă mâu khu mơdró kâ vâ séa ngăn tơdroăng ki tê tơmeăm ngi kong têa ê vâ rĕng ‘nâi tơdroăng mâu tơdroăng ki xơpá, ki tá hâi tơleăng klêi tung tơdroăng tơbleăng pêi pro mâu tơdroăng pơkâ dêi Tơnêi têa ƀă kơvâ cheăng ki tê tơmeăm ngi kong têa ê.

Kataria na Nga tơplôu ƀă tơbleăng