VOV4.Sêdang - Tiô Khu pơkuâ Kơxô̆ liăn rôe vaccine hbrâ mơdât COVID-19, xêo troh hâi lơ 18/8, Kơxô̆ liăn rôe vaccine hbrâ mơdât COVID-19 châ tơdah 8.626 rơtal liăn, ƀă lối 5 rơpâu khu pú hên ƀă ngế krê veăng tơlo liăn. Khu pơkuâ hiăng mơ’no chêl kơxô̆ liăn vâ chê 200 rơtal liăn rôe vaccine, kơxô̆ ki ê ối dâng 8.429 rơtal liăn.

Sap ing kố troh mơ’nui hơnăm, tiô pơkâ kô pâk ăm 75 rơtuh ngế ƀă kơxô̆ liăn kal dâng 25.200 rơtal liăn; tung mê, liăn ngân hiăng hbrâ châ lối 14.000 rơtal liăn ƀă kal tơ’nôm dâng 11.000 rơtal liăn.

Khu xiâm pơkuâ liăn ngân hiăng tơrŭm ƀă mâu khu ki mơjiâng pro trang web Kơxô̆ liăn rôe vaccine ƀă tối ‘na tơdroăng Kơxô̆ liăn châ tơbleăng tung trang web kố.

A Sa Ly tơplôu ƀă tơbleăng