VOV4.Sêdang - Xêo troh 6 chô kơxo lơ 10/5, Việt Nam châ hlo tơ’nôm 80 ngế tro tâ COVID 19, ai 78 ngế tro tâ tung tơnêi têa ƀă 2 ngế châ klâ kơtăn klêi kơ’nâi mot a tơnêi têa. Khu xiâm ngăn pơkeăng ƀă khăm pơlât tơbleăng nhên 80 ngế nếo tro tâ, tung mê, ai 2 ngế châ klâ kơtăn klêi kơ’nâi mot a a kong pơlê Đồng Nai ƀă 78 ngế tâ tú tung tơnêi têa a kong pơlê Bắc Ninh 27 ngế, Vĩnh Phúc 19 ngế, Đà Nẵng 13 ngế, Bắc Giang 5 ngế, Hà Nội 9 ngế, Hòa Bình 2 ngế, Dak Lak 1 ngế, Điện Biên 1 ngế, Lạng Sơn 1 ngế.

Xêo troh 6 chô hâi lơ 10/5, Việt Nam ai tâi tâng 1.981 ngế tro tâ COVID 19 xua tâ tú tung tơnêi têa, tung mê, kơxô̆ mơngế tro tâ nếo xêo sap hâi lơ 27/4 troh nôkố cho 411 ngế. ‘Na tơdroăng pơlât, tiô tơbleăng dêi Kơ koan xiâm pơkuâ khăm pơlât, cheăng tung Khu xiâm ngăn pơkeăng ƀă khăm pơlât; kơxô̆ mơngế âm tĭnh ƀă SARS-CoV2 roh 1 cho 25 ngế, kơxô̆ mơngế âm tĭnh roh má 2 cho 22 ngế, kơxô̆ mơngế âm tĭnh roh má 3 cho 17 ngế; kơxô̆ mơngế hlâ 35 ngế, kơxô̆ mơngế pơlât prêi cho 2.602 ngế.

A Sa Ly tơplôu ƀă tơbleăng