VOV4.Sêdang - Khu xiâm ngăn pơkeăng ƀă khăm pơlât ăm ‘nâi, riân sap 18 chôu hâi lơ 10/5  troh 6 chôu hâi lơ 11/5, Việt Nam ai 28 ngế tâ pơreăng tung tơnêi têa. Tung mê ai 1 ngế a Hngêi pơkeăng Nhiệt đới Trung ương, 13 ngế a Bắc Ninh, 7 ngế a Vĩnh Phúc, 5 ngế a Bắc Giang, 1 ngế a Lạng Sơn ƀă 1 ngế a Hải Dương. Riân troh 6 chôu hâi lơ 11/5, Việt Nam ai tâi tâng 2 rơpâu 56 ngế tâ tú tung tơnêi têa ƀă 1 rơpâu 433 ngế tâ tú xua lo ing kong têa ê.

Kơxô̆ mâu ngế ki nếo tâ tú sap hâi lơ 27/4 troh nôkố: ai 486 ngế. Riân troh 16 chôu hâi lơ 10/5/2021, tung lâp tơnêi têa hiăng pâk pơkeăng vaccine hbrâ mơdât pơreăng COVID-19 rôh má 1 ƀă má 2 châ 892 rơpâu 454 klŏng vaccine xĭng xoăng, châ 97%. Mâu ngế châ pâk cho mâu kăn ƀô̆, mâu ngế cheăng ngăn pơkeăng ki dế pơlât ngăn mâu ngế tâ COVID-19, mâu ngế cheăng ngăn pơkeăng ki xo ngăn mơheăm, mâu ngế ki lăm tăng mâu ki nhôm tâ tú, mâu ngế tung tôh tơplâ mơdât COVID-19 tung kuăn pơlê, Khu hnê mơhno hbrâ mơdât pơreăng, kŏng an, mô đô̆i.

Gương tơplôu ƀă tơbleăng