VOV4.Sêdang - Khu xiâm ngăn pơkeăng pơlât ăm ‘nâi troh 6h hâi lơ 13/8, Việt Nam hiăng pơlât prêi 89.145 ngế tâ COVID-19. Tiô tơdroăng chêh tối ‘na pơreăng ki nếo dêi Khu xiâm ngăn pơkeăng pơlât, riân troh nôkố, Việt Nam ai 246.568 ngế tâ COVID-19, tung mê, ai 2 rơpâu 395 ngế ing ê mot a tơnêi têa ƀă 244.173 ngế tâ tú tung tơnêi têa. Kơxô̆ mơngế nếo tâ tú tung tơnêi têa riân dêi rôh pơreăng tâ tú sap ing lơ 27/4 nah troh nôkố ai 242 rơpâu 603 ngế, tung mê ai 86 rơpâu 371 ngế hiăng châ tơbleăng pơlât prêi.

Ai 4/62 to kong pơlê, pơlê kong kân hiăng luâ 14 hâi ôh tá hlo ai ngế tâ pơreăng nếo tung tơnêi têa, mê cho: Quảng Ninh, Bắc Kạn, Tuyên Quang ƀă Lai Châu.

Ai 8 to kong pơlê, pơlê kong kân ai ngế tâ tú ki pơtối a kong pơlê tung 14 hâi hdrối mê cho: Lào Cai, Kon Tum, Hà Giang, Quảng Trị, Yên Bái, Thái Bình, Bắc Giang, Hải Phòng. ‘Na tơdroăng pơlât pơreăng COVID-19, tâi tâng kơxô̆ mơngế pơlât prêi tung tơnêi têa ta troh nôkố ai 89 rơpâu 145 ngế. Kơxô̆ mơngế châi râ pơlât ICU ai 499 ngế. Hlâ ai 4 rơpâu 813 ngế.

Gương tơplôu [ă tơbleăng