VOV4.Sedang - Hneăng hôp tơpui tơno roh má 3 vâ rah xo, chêh inâi mâu ngế dêi kơ koan, khu pú hên, tíu cheăng a Tơnêi têa tŭm tiô pơkâ tơbriât to pro kăn teăng mâ Kuô̆k hô̆i hneăng má 15 tơkŭm po a kơxo lơ 16/4 a Hà Nội. Hneăng hôp tơpui tơno roh má 3 a tơnêi têa xua Khu kăn hnê ngăn Vi ƀan xiâm Măt trâ̆n Tơnêi têa Việt Nam tơkŭm, pơkuâ vâ rah xo, chêh inâi mâu ngế tŭm tiô pơkâ tơbriât to pro kăn teăng mâ Kuô̆k hô̆i a tơnêi têa.

Hneăng hôp tơpui tơno, rah xo, chêh inâi mâu ngế tŭm tiô pơkâ tơbriât to pro kăn teăng mâ Kuô̆k hô̆i. Tâng ôh tá châ môi tuăn mê hneăng hôp pơkâ têk kŏng môi tuăn lơ tâ phĭu kí. Tiô pơkâ, hrá má môi cho hâi lơ 23/4/2021 (30 hâi hdrối hâi tâ phĭu rah xo kăn), Khu pơkuâ Vi ƀan xiâm Măt trâ̆n Tơnêi têa Việt Nam pơtroh mơ-éa Hneăng hôp tơpui tơno roh má 3 ƀă inâi mâu ngế tŭm tiô pơkâ tơbriât to pro kăn châ Khu hnê ngăn Vi ƀan xiâm Măt trâ̆n tơnêi têa Việt Nam tơbleăng tơbriât to pro kăn teăng mâ Kuô̆k hô̆i troh Hô̆i đong tâ phĭu tơnêi têa ƀă Vi ƀan pơkuâ Kuô̆k hô̆i.

A Sa Ly tơplôu ƀă tơbleăng