VOV4.Sedang - Tiô tơdroăng tối a kơxo lơ 24/5 dêi Khu xiâm ngăn pơkeăng ăm ‘nâi tơ’nôm, ai 58 ngế tâ pơreăng COVID-19, tung mê 2 ngế ki lo ing kong têa ê hiăng klâ krê; 56 ngế ki u ôi tung tơnêi têa a 6 to kong pơlê, pơlê kong kơdrâm, krê to a Bắc Giang hiăng ai 33 ngế. 2 ngế klâ krê klêi troh a Hà Nôị xuân cho mơngế kong têa Ấn Độ, môi ngế kơdrâi 35 hơnăm ƀă môi ngế o kơdrâi 3 hơnăm.

Tung kơxô̆ 56 ngế ki tâ tú tung tơnêi têa, kong pơlê Bắc Giang ai 33 ngế, 8 ngế a Hà Nội, 7 ngế a Bắc Ninh, 5 ngế a Lạng Sơn, 2 ngế a Điện Biên ƀă 1 ngế a Hải Dương. Riân troh 6h hâi lơ 24/5, Việt Nam ai tâi tâng 3.790 ngế tung tơnêi têa ƀă 1 rơpâu 485 ngế ki lo ing ê  troh.

Ai 6 to kong pơlê hiăng luâ 14 hâi ôh tá xo pơlât mâu ngế ki nếo tâ tú, mê cho: Yên Bái, Quảng Ngãi, Đồng Nai, Nghệ An, Quảng Ninh, Quảng Nam. Troh nôkố, tơnêi têa pin hiăng ai 42 ngế hlâ xua COVID-19, 2 rơpâu 721 ngế châ pơlât prêi.

Gương tơplôu ƀă tơbleăng