VOV4.Sêdang -  Xêo troh 6 chôu kơxo lơ 6/5, Việt Nam châ hlo tơ’nôm 8 ngế nếo tro tâ COVID 19 (ngế tro tâ pơreăng má 3023 - 3030) a Hngêi pơkeăng Nhiêt đơ̆i Tơnêi têa tíu má 2. Tiah mê, Việt Nam ai tâi tâng 1.634 ngế tro tâ COVID 19 xua tâ tú tung tơnêi têa, tung mê, kơxô̆ ngế tro tâ ki nếo xêo sap hâi lơ 27/4 troh nôkố: 64 ngế.

Xêo troh 4 chôu kơxê lơ 5/5, ai tâi tâng 675.956 ngế cho kăn ƀô̆, ƀok thái pơkeăng dế pơlât ngế tro tâ COVID 19, mâu ƀok thái pơkeăng pêi pro hnoăng cheăng xo mơheăm, khăm ngăn, ti tăng mâu ngế tro tâ pơreăng, mâu ngế pêi cheăng tung mâu khu ki pơkuâ ngăn cheăng hbrâ mơdât pơreăng COVID 19 pơlê pơla. Khu hnê mơhno hbrâ mơdât pơreăng mâu râ, mâu khu kŏng an, khu lêng hiăng pêi pro  tơdroăng pâk vaccine hbrâ mơdât COVID 19 roh má 1 ƀă 2.

A Sa Ly tơplôu ƀă tơbleăng