VOV4.Sêdang -  Hâi lơ 27/4, pôa Bùi Thanh Sơn, Ngế xiâm tơpui kâ hiăng krếo phôn kơ pôa Sergey Lavrov, Ngế pro xiâm tơpui kâ kong têa Rusi. A rôh tơpui, pôa Sergey Lavrov rơkâu kơ pôa Bùi Thanh Sơn châ pôk pro Ngế xiâm tơpui kâ Việt Nam. Pôa Sergey Lavrov rơkâu mâu hnoăng pêi ki tơ-ƀrê ‘na tơpui kâ dêi Việt Nam tung mâu khế achê kố, tung mê, ai tơdroăng xo pêi tơƀrê hnoăng cheăng pro kăn xiâm hnê ngăn ASEAN hơnăm 2020 ƀă Ngế cheăng tung Hô̆i đong Kring vế khu lâp kong têa hneăng hơnăm 2020-2021, khê̆n kơdeăn hnoăng cheăng pêi rế ton rế tơ-ƀrê dêi Việt Nam tung troăng hơlâ cheăng lâp plâi tơnêi ƀă tung kơpong.

Péa Ngế xiâm tơpui kâ hiăng rơtế tơpui ƀă dêi rơpó ‘na tơdroăng tơrŭm cheăng pơla Việt Nam - Rusi, malối cho tơdroăng hbrâ mơdât pơreăng COVID-19 xuân môi tiah tơrŭm cheăng pơla Ngế xiâm tơpui kâ, tơdroăng tơrŭm pơla péa tơnêi têa ing hên troăng hơlâ, tung mê ai Hô̆i đong kring vế Khu lâp kong têa a ASEAN. Péa Ngế xiâm tơpui kâ tối púi vâ mơdêk tơbleăng mâu tơdroăng pêi pro tung hơnăm cheăng pơla Việt Nam - Rusi tung hơnăm 2021.

Gương tơplôu ƀă tơbleăng