VOV4.Sedang - Kơxo lơ 23/5, ƀă tơdroăng ki hơniâp ro dêi lâp tơnêi lối 427 rơpâu ngế kuăn pơlê dêi kong pơlê Dak Nông a 680 kơpong tâ phĭu hiăng lăm tâ phĭu pôk kăn Kuô̆k hô̆i hneăng má 15 ƀă kăn Hô̆i đong hnê ngăn kuăn pơlê rêm râ hơnăm 2021 – 2026. Tung tơdroăng ki hơniâp ro dêi hâi mơdĭng dêi hdroâng mơngế, a kơpong tâ phĭu kơxô̆ 4, ƀon N’JRiêng, ƀon Bu Sop, cheăm Dăk Nia, pơlê kong kơdrâm Gia Nghĩa, lối 900 ngế kuăn pơlê hiăng ai mâ sap ing kơxo má vâ leh koh hlá cơ ƀă pêi pro hnoăng kuăn pơlê dêi tơná.

Vâi krâ nhŏng o ối kơtăn hngế vâ tơniăn drêng lăm tâ phĭu a Dak Nông

K’Bơn, a ƀon Dinh, cheăm Dak Nia, pơlê kong kơdrâm Gia Nghĩa tối:

“Kơxo kố 6 chôu 30 phut vâi krâ nhŏng o hiăng lăm tâ phĭu. Vâi krâ nhŏng o xuân pêi pro kơtăng tơdroăng ki truâ kên klup môh rơkong, jíu kŏng, kơdê pơreăng, klâ ối hngế ing dêi pó rêm ngế 2 met tiô pơkâ dêi Khu xiâm ngăn pơkeăng. Rơpŏng á rak tro chôu ƀă pôk tro ngế ki ai tuăn ngoâ rơkê, ngế ki châ kuăn pơlê loi nhuô̆m”.

Gương tơplôu ƀă tơbleăng