VOV4.Sêdang - Rơtế ƀă tơdroăng tơdah kuăn pơlê ing kơpong ai pơreăng mâu kong pơlê peăng Hdroh tơnêi têa vêh ƀă kơxô̆ mơngế vêh hên, mê nôkố kơxô̆ mơngế tro tâ COVID 19 tung kơpong klâ kơtăn tung kong pơlê xuân pơtối tâk, pro kuăn pơlê Gia Lai rơhêng vâ châ pâk vaccine hbrâ mơdât COVID-19 rĕng. Kong pơlê Gia Lai xuân hiăng tơkŭm pâk roh má 5 ăm kuăn pơlê ƀă dế pơtối rĕng pâk vaccine, chôa 'lâng tơniăn mơdât pơreăng tung pơlê pơla. Pơkâ pêi hiăng châ mơjiâng troh hơnăm 2022, tơniăn tơdroăng pâk dêi Tơnêi têa vâ kâi mơdât pơreăng tung pơlê pơla a Gia Lai.

Ƀă vâi krâ a kơpong hơngế hơngo xuân châ chêh inâi ƀă pâk a pơlê, tơniăn pêi pro tro tiô pơkâ. Kong pơlê dế mơ-eăm troh mơ’nui hơnăm 2021 kơxô̆ mơngế pâk vaccine kô châ 70% pơ’leăng mâ kuăn pơlê lâp kong pơlê. Roh pâk má mơ’nui a pái khế apoăng hơnăm 2022.

A Sa Ly tơplôu ƀă tơbleăng