VOV4.Sêdang - Hâi lơ 5/10, Khu kăn Kuô̆k hô̆i kong pơlê Gia Lai hiăng ai rôh trâm mâ kuăn pơlê a 4 to cheăm kơpong tơkăng kong cho: Ia Mơr, Ia Ga, Ia Piơr ƀă Ia Lâu, tơring Čư̆ Prông, tơbleăng ‘na rôh hôp má 2, Kuô̆k hô̆i hneăng má 15 ƀă tơmâng xo mâu rơkong tơpui tối, pâ thế dêi kuăn pơlê. A rôh trâm kuăn pơlê, mâu kuăn pơlê hiăng pâ thế ‘na mâu tơdroăng ki kal môi tiah: Kơpong tíu xôi tơbâ ton nah Plei Me châ mơnhên cho kơpong ôm hyô ton nah râ Tơnêi têa la tá hâi châ ‘no liăn mơjiâng pro tơ’mô vâ tơ’mot tơmối ôm hyô, tơmâng ngăn ‘no liăn cheăng tung mâu troăng prôk a cheăm, tơdroăng ki tơleăng mơnhên tơnêi ối, tơnêi pêi kâ ăm kuăn pơlê hdroâng kuăn ngo.

Khu kăn Kuô̆k hô̆i kong pơlê Gia Lai trâm kuăn pơlê a tơring Čư̆ Prông

Kuăn pơlê Gia Lai xuân pâ thế mâu kơ koan tơleăng mơnhên mâu tơdroăng ki ai tơdjâk troh tơdroăng ki mơjiâng pro on tơhrik kơtâu ƀă tôu mâ hâi ‘măn a kuâ hngêi, tơdroăng rak ngăn mâu tơdroăng tơkêa păn mơnăn mơnoâ a cheăm tơring, mâu tơdroăng ki ôh tá tơniăn tung tơkŭm po hriâm ing troăng hyôh internet ƀă hên ki ê.

Malối, hên kuăn pơlê tối tơdroăng ki xiâm ‘na hnoăng cheăng hbrâ mơdât pơreăng COVID-19, pro tiah lâi pơkâ tơleăng ăm mâu ngế ki pêi cheăng ki vêh sap ing kơpong ki ai pơreăng.

Katarina Nga tơplôu ƀă tơbleăng