VOV4.Sêdang - Măng t^ng hdrối, Khu kăn Kuo#k ho#i mâu kong pơlê tung kơpong Tây Nguyên hiăng tơku\m po rôh trâm mâ kuăn pơlê vâ tối tơbleăng ăm rôh hôp má 10, Kuo#k ho#i hneăng má 14. Tơdrêng amê hnối tơmâng mâu rơkong tơpui tối, pâ thế dêi kuăn pơlê ‘na tối tơbleăng mâu tơdroăng ki rơhêng vâ ‘nâi ple\ng a mâu kong pơlê.

Khu kăn Kuo#k ho#i kong pơlê Dak Lak hiăng trâm mâ kuăn pơlê a mâu cheăm dêi tơring Ea Sup, C|ư Mgar, {uôn Đôn, tơring Krông Buk. A mâu tíu trâm mâ, Khu kăn hiăng tối tơdroăng dêi roh hôp má 10, Kuo#k ho#i hneăng 14 troh kuăn pơlê. Ki hên kuăn pơlê tối loi khât, sôk  ro hlo hơ’leh nếo dêi Kuo#k ho#i, malối cho hneăng hôp kơ-êng [ă tiâ mâu kăn Kuo#k ho#i kơ-êng a rôh hôp má 10 po tơpui hên, prôk tro troăng [ă ‘ló mâu tơdroăng ki kuăn pơlê vâ ‘nâi.

Y Rok Ayun, ối a cheăm Ea Kpam, tơring C|ư Mgar tối:

‘’Klêi tí tăng ngăn a rôh hôp Kuo#k ho#i roh má 10 kô nah, á hlo mâu tơdroăng hnê tối dêi mâu kăn tro khâp [ă tơdroăng ki ai khât, pâ tối [ă rêm râ tro tơdroăng ki kal tro tơchoâm tiô tơdroăng  ki púi vâ dêi kuăn pơlê‘’.

Kuăn pơlê Dak Lak tối loi khât ki hơ’leh nếo dêi Kuo#k ho#i

Kuăn pơlê mâu kong pơlê Dak Lak, Dak Nông [ă Lâm Đồng xuân tối ‘na tơdroăng tơdjâk troh tơdroăng rêh ối dêi kuăn pơlê, môi tiah: Kal pơkâ troăng hơlâ mơnhông pêi chiâk krá tơniăn; tơleăng mơnhên klêi ‘na chêl thiăn liăn xúa tơnêi, mơhno tíu pro pơlê nếo [ă tơdroăng gu tơbăng  tơnêi tíu a mâu tơdroăng tơkêa bro ki kân, môi tiah: Pro rơchôa Krông Pă] Thượng (kong pơlê Dak Lak); Tơdroăng tơkêa bro chiâ xo meăm dêi Hngêi kơmăi Alumin Nhân Cơ, kong pơlê Dak Nông. Klêi mê, kuăn pơlê a pơlê kân Lộc Thắng, tơring Bảo Lâm, kong pơlê Lâm Đồng xuân tối: Hiăng vâ châ 10 hơnăm kố, chât rơpo\ng kuăn pơlê a kơpong pro pơlê nếo tơdroăng tơkêa bro Bauxite Tân Rai châ ăm hlá mơ-éa mơnhên hnoăng xúa tơnêi, pro tơmeăm khoăng ối hên ki tơvâ tơvân tơdjâk troh tơdroăng rêh ối dêi kuăn pơlê.

Kuăn pơlê a mâu kong pơlê kơpong Tây Nguyên xuân thế mâu kơvâ cheăng mơdêk hnoăng cheăng hbrâ mơdât tơmeăm oh tá xê khât tơmeăm ôh tá krá le\m, malối ‘na phon ki oh tá tá dâi le\m, phon oh tá xê khât chiâng tơdjâk troh tung pêi chiâk, thế tơmâng ‘mâi rơnêu pro mâu troăng prôk.

Tơdrêng amê, kuăn pơlê mâu kong pơlê thế Kuo#k ho#i séa ngăn, ai tơ’nôm mâu pơkâ ‘na tăng cheăng pêi ăm mâu ngế pêi cheăng a thôn; luât pơkâ ‘na baoh hiêm khăm pơlât ăm kơpong hdroâng kuăn ngo, luât pơkâ to\ng kum ăm mâu kăn [o# thôn, pơlê, troăng hơlâ kơjo kum vâ ‘mâi mơnhông cheăng kâ klêi kơ’nâi Covid-19… Nâ Nguyễn Thị Hường, kuăn pơlê ối a pơlê kân Quảng Phú, tơring C|ư Mgar pâ tiah kố:

‘’Nôkố mâu kăn [o# thôn [ă tơdroăng cheăng môi tiah ai ing pêng pơklât thế pêi tê, ki khât ga luât pơkâ hâi tơtro lơ ôh lơ mơhnhôk teăm tơdrêng troh mâu kăn [o# thôn xua mê á pâ thế Kuo#k ho#i tí tăng ‘nâi ple\ng mơdêk luât pơkâ mơhá liăn vâ mơhnhôk ăm mâu kăn [o# thôn pơlê mơ-eăm’’.

Mâu kăn Kuo#k ho#i kong pơlê Lâm Đồng trâm mâ kuăn pơlê a tơring Bảo Lâm

A rôh trâm mâ kuăn pơlê, Poa Y {iêr Niê, Ngế pơkuâ khu kăn Kuo#k ho#i kong pơlê Dak Lak hiăng mơnhên mâu tơdroăng ki kuăn pơlê tơmâng vâ ‘nâi ple\ng.  Pak^ng mê, tơmâng xo tơdroăng kuăn pơlê hnê tối vâ Khu kăn tơku\m, tơbleăng ăm rêm râ mâu kăn xiâm séa ngăn, tơleăng mơnhên. ‘Na pôa Nguyễn Trường Giang, Kăn pho\ pơkuâ Vi [an ngăn ‘na Luât Kuo#k ho#i, Ngế xiâm pho\ chêh tôm xo rơkong dêi Kuo#k tối tơmâng xo [ă tơhrâ Khu kăn Kuo#k ho#i kong pơlê Dak Nông kô đi đo séa ngăn, tí tăng ‘nâi mâu tơdroăng tung pơla tơleăng mơnhên a kong pơlê.  

Pôa Nguyễn Trường Giang xuân tối mâu tơdroăng ăm kuăn pơlê mâu tơdroăng mơ-eăm dêi Chin phuh tung tơdroăng tăng ‘’tíu tê’’ tơmeăm pêi lo ing chiâk deăng vâ pôi tá ai tơdroăng ‘’châ xo tơmeăm pê lo la ôh tá ai yă’’. Peăng kơvâ ngăn ‘na chiâk deăng kal thế pro xiâm ki tơpui tơru\m pơla kuăn pơlê, khu cheăng khoa hok [ă khu mơdró vâ mơdêk tơmeăm pê lo châ tê. ‘Na pôa Nguyễn Tạo, Kăn pho\ pơkuâ Khu kăn Kuo#k ho#i kong pơlê Lâm Đồng khe\n kơdeăng khât mâu tơdroăng hnê tối, pâ thế mơ-eăm khât, thế tơmâng troh kuăn pơlê.

Kăn Kuo#k ho#i kong pơlê Kâm Đồng tơmâng xo tơdroăng hnê tối [ă tơhrâ kô pơtroh mâu tơdroăng hnê tối, pâ thế ki u ối pơtroh ăm Vi [an kong pơlê Lâm Đồng [ă Kuo#k ho#i séa ngăn, tơleăng mơnhên tung la ngiâ.

PV VOV Tây Nguyên

Gương tơplôu [ă tơbleăng