VOV4.Sêdang - Pôa Lê Minh Khái, Ngế pro xiâm phŏ hnê ngăn tơnêi têa nếo kĭ pơkâ tŏng kum ăm 6 to kong pơlê ‘mâi rơnêu kế tơmeăm ki tro tơ’nhiê cho ‘na hngêi ối tiô pơkâ 165/NQ-CP. Tiah mê, kum 67,89 rơtal liăn ăm 6 to kong pơlê vâ ‘mâi rơnêu ki tơ’nhiê ó ‘na hngêi ối xua kong mêi khía mơhot têa kân lân lu a khế 10/2020. Ki nhên: Quảng Nam (14,320 rơtal liăn), Quảng Trị 4,210 rơtal liăn, Thừa Thiên Huế 2,250 rơtal liăn, Quảng Ngãi 45,220 rơtal liăn, Kon Tum 1,570 rơtal liăn, Gia Lai 1,420 rơtal liăn.

‘Na kơxô̆ kiăn tŏng kum, ai pơkâ nhên: Ƀă mâu kong pơlê Quảng Nam, Quảng Trị, Thừa Thiên Huế, Quảng Ngãi, Kon Tum xúa liăn hiăng châ xo pơtân sap ing liăn ki hbrâ rơnáu dêi tơnêi têa tiô Pơkâ kơxô̆ 1913/QĐ-TTg dêi Ngế pro xiâm hnê ngăn Chin phuh vâ pêi pro. Ƀă kong pơlê Gia Lai mê ‘mot tơ’nôm kơxô̆ liăn ki hbrâ rơnáu dêi tơnêi têa hơnăm 2021.

Katarina Nga tơplôu ƀă tơbleăng