VOV4.Sêdang - Khu xiâm ngăn cheăng pêi mô đô̆i tro rong ƀă rêh ối pơlê pơla ƀă Khu rak liăn kum vâi hdrêng khu lâp kong têa (UNICEF) tơkŭm po Hôp mơ’no tiô troăng hyôh Internet ‘’Tối nhên ƀă tơbleăng mâu troăng rơhlâ kring vế rak ngăn hnê ăm mâu vâi hdrêng tung pơla ai pơreăng kân COVID-19 ‘’. Hneăng hôp veăng ai mâu khu xiâm, kơvâ cheăng, khu tơrŭm cheăng ƀă 20 to kong pơlê, pơlê kong kân dế lơ hiăng cho tíu ki ai pơreăng COVID-19 tâ tú. Tiô tơbleăng dêi mâu kong pơlê, riân troh hâi lơ 31/8, lâp tơnêi têa ai lối 11 rơpâu 800 ngế vâi hdrêng F0; kơxô̆ vâi hdrêng F1 ai lối 27 rơpâu 300 ngế.

A rơdâ tâ, vâi hdrêng tro tơdjâk ó ƀă tá châ tá tuăn ngôa, pro mâu tơdroăng pơkâ mơnhông mơdêk tung tâi tâng vâi hdrêng ki rĕng kân ƀă hrá kân xuân dế tro pơloăng mơnúa xua pơreăng kân COVID-19. Xua mê, mâu tơdroăng cheăng pêi, troăng rơhlâ, tung mê ai mâu khu troăng rơhlâ vâ kring vế rak ngăn hnê mơhno vâi hdrêng kal thế tơbleăng. A hneăng hôp, hên khu xiâm, kơvâ cheăng ƀă mâu kong pơlê pâ thế Chin phuh tơdrêng ƀă pơkâ tŏng kum pơlât, rak ngăn vâi hdrêng F0, F1 kal rĕng pâk ăm vâi vaccine hdrối.

Gương tơplôu ƀă tơbleăng