VOV4.Sêdang - Kơxê hnah, lơ 2/4, ki hên mâu kăn môi tuăn, Kuô̆k hô̆i hiăng têk kŏng môi tuăn tơbleăng ăm pêi pro Pơkâ ‘na  tơdroăng ăm pôa Nguyễn Phú Trọng pơtê pro Kăn xiâm hnê ngăn tơnêi têa Kŏng hoa xah hô̆i chưh nghiah Việt Nam. Pơkâ châ Kuô̆k hô̆i  tơbleăng ăm pêi pro pơkâ: Ăm pôa Nguyễn Phú Trọng pơtê cheăng pro Kăn xiâm hnê ngăn tơnêi têa hneăng hơnăm 2016 – 2021. Pơkâ ai xêt khât pêi pro sap ing Kuô̆k hô̆i rah xo Kăn xiâm hnê ngăn tơnêi têa ki nếo. Tung hneăng cheăng dêi tớna, pôa Nguyễn Phú Trọng tơmâng troh pơkuâ, hnê mơhno  tơdroăng mơjiâng Đảng, mơjiâng  tơdroăng cheăng kal kí krúa lĕm, ó rơdêi, tơdrêng amê khŏm mơ-eăm  tung roh tơplâ hbrâ mơdât kâ kơhveăm liăn ngân, mơ’nhê tê kơtê,  tơdroăng pêi pro ki ôh tá tro. Xuân tung kơxê hnah, Viƀan pơkuâ Kuô̆k hô̆i tơbleăng inâi vâ pơtroh Kuô̆k hô̆i rah xo Kăn xiâm hnê ngăn tơnêi têa. Pơtối mê, mâu kăn tơpui tơno a Khu ‘na  tơdroăng tối hdrối rah xo Kăn xiâm hnê ngăn tơnêi têa.

A Sa Ly tơplôu ƀă tơbleăng