VOV4.Sêdang - Tiô Pơkâ dêi Vi ƀan pơkuâ Kuô̆k hô̆i ‘na tiô tối hdrối kơxô̆ mâu kăn, tơdroăng rah xo, khu mâu kăn teăng mâ Kuô̆k hô̆i hneăng má XV, kơxô̆ mâu kăn teăng mâ khu lêng kô ai 33 ngế. Tung mê, Ngế xiâm pơkuâ lêng ối tung ối tung Chin phuh, kơ koan ối tung Chin phuh; kơ koan râ xiâm, mâu kuân khu, kuân chủng ƀă kơvâ ki xiâm cho 12 ngế kăn. Kơxô̆ kăn teăng mâ khu lêng a kong pơlê tiô rah xo cho 14 ngế.

Pakĭng mê, 6 ngế kăn ƀô̆ khu lêng châ Vi ƀan pơkuâ Kuô̆k hô̆i tơbleăng rah xo kăn pơkuâ, rah xo to pro kăn dêi Kuô̆k hô̆i hneăng má XV. Troh nôkố, Ƀơrô Khu xiâm tơbleăng tơdroăng cheăng ƀă Ƀơrô Khu xiâm pơkuâ lêng hiăng tơkŭm po xo rơkong tơpui tối dêi kuăn pơlê ƀă mâu ngế châ tơbleăng to pro kăn.

Xua pêi pro châ tơ-ƀrê, mâu kăn teăng mâ môi tuăn tơbleăng Thươ̆ng tươ̆ng Phan Văn Giang, Kăn cheăng tung Khu xiâm kal kí, Kăn xiâm tơbleăng cheăng khu lêng kuăn pơlê Việt Nam, Ngế xiâm phŏ pơkuâ lêng ƀă Thươ̆ng tươ̆ng Nguyễn Tân Cương, Kăn cheăng tung Tíu xiâm Đảng, Ngế xiâm phŏ Khu xiâm pơkuâ lêng veăng tơbriât to pro kăn Kuô̆k hô̆i hneăng má XV.

A Sa Ly tơplôu ƀă tơbleăng