VOV4.Sêdang - Kơxo lơ 8/4, Kuô̆k hô̆i hiăng têk kŏng tiâ vâ tơbleăng tơdroăng pơkâ kĭ rah xo mâu Ngế pro xiâm phŏ hnê ngăn Chin phuh, mâu ngế pro xiâm ƀă mâu ngế tung khu ki ê dêi Chin phuh hneăng hơnăm  2016-2021. Ai 455 ngế tung kơxô̆ 459 ngế kăn ki veăng têk kŏng tiâ vâ môi tuăn ƀă tơdroăng pơkâ, châ 94,79% tung tâi tâng kơxô̆ mâu kăn.

Pleăng reăng rơkâu mâu kăn ki nếo châ Kuô̆k hô̆i rah xo

Ing mê, Kuô̆k hô̆i hiăng kĭ tơdroăng pơkâ thế dêi pôa Phạm Minh Chính, Ngế pro xiâm hnê ngăn tơnêi têa ‘na tơdroăng rah xo ngế pro xiâm phŏ hnê ngăn Chin phuh kơ pôa: Lê Minh Khái (Kăn hnê ngăn Tiú xiâm Đảng, Ngế xiâm séa ngăn Chin phuh) ƀă pôa Lê Văn Thành (ngế cheăng tung tíu xiâm Đảng, Kăn hnê ngăn Đảng Pơlê kong kân Hải Phòng). Xuân tung hâi ki mê, Kuô̆k hô̆i hiăng kĭ ăm phêp rah xo 13 ngế cheăng tung Chin phuh.

Gương tơplôu ƀă tơbleăng