VOV4.Sêdang - Potối pêi cheăng, hâi kố lơ 30/3, Vi ƀan pơkuâ cheăng Kuô̆k hô̆i pơtroh ăm Kuô̆k hô̆i ôh tá vêh rah xo xếo Ngế ki pro Kăn xiâm hnê ngăn Kuô̆k hô̆i hneăng hdrối, Kăn xiâm hnê ngăn Hô̆i đong tâ phĭu rah xo kăn Kuô̆k hô̆i hneăng hdrối, Kăn xiâm hnê ngăn Hô̆i đông tâ phĭu rah xo dêi tơnêi têa hneăng hdrối. Tiô tơdroăng pêi cheăng a kơxo lơ 30/3, rôh hôp má 11 Kuô̆k hô̆i  hneăng 14 tơpui tơno a hngêi hôp kân ‘na tơdroăng tối tơbleăng hnoăng cheăng pêi hneăng hơnăm 2016-2021 dêi Hngêi tơleăng xiâm, Tíu xiâm seá ngăn arak luât.

Kơxê lơ 30/3, mâu kăn Kuô̆k hô̆i tơpui tơno a Khu ‘na tơdroăng ôh tá vêh rah xo xếo ngế ki pro Kăn xiâm hnê ngăn Kuô̆k hô̆i hneăng hdrối, kăn xiâm hnê ngăn Hô̆i đông tâ phĭu tơnêi têa hneăng hdrối; têk kŏng tiâ vâ tơbleăng Luât hbrâ, mơdât ma tŭi (‘mâi hơ’lêh). Vi ƀan pơkuâ cheăng Kuô̆k hô̆i tối tơbleăng Kuô̆k hô̆i tơdroăng tơpui a Khu ƀă tối nhên, tơmâng xo mâu tơdroăng hnê tối dêi mâu kăn Kuô̆k hô̆i ‘na tơdroăng oh tá rah xo Kăn xiâm hnê ngăn Kuô̆k hô̆i hneăng hdrối, Kăn xiâm hnê ngăn Hô̆i đông tâ phĭu tơnêi têa hneăng hdrối.

Kuô̆k hô̆i ôh tá vêh rah xo xếo kăn xiâm hnê ngăn Kuô̆k hô̆i hneăng hdrối, Kăn xiâm hnê ngăn Hô̆i đông tâ phĭu tơnêi têa hneăng hdrối ƀă tơdroăng tâ phĭu pơkí. Tung kơxê lơ 30/3, Kuô̆k hô̆i tơpui tơno a Khu ‘na tơdroăng mơngế vâ tâ phĭu rah xo Kăn xiâm hnê ngăn Kuô̆k hô̆i, Kăn xiâm hnê ngăn hô̆i đông tâ phĭu tơnêi têa.

Gương tơplôu ƀă tơbleăng