VOV4.Sêdang - Pơtối rôh hôp má 11, hâi lơ 5/4, Kuô̆k hô̆i pêi pro tơdroăng ki pôk kăn xiâm hnê ngăn tơnêi têa, Ngế pro xiâm hnê ngăn Chin phuh tiô túa ki tâ phĭu pơkí. Klêi kơ’nâi châ pôk, kăn xiâm hnê ngăn tơnêi têa, Ngế pro xiâm hnê ngăn Chin phuh ki nếo kô krâ kơlŏng to pro kăn. Pôa Vương Đình Huệ, kăn xiâm hnê ngăn Kuô̆k hô̆i hiăng pơtroh ăm Kuô̆k hô̆i pơkâ rah pôa Nguyễn Xuân Phúc vâ Kuô̆k hô̆i pôk kăn xiâm hnê ngăn tơnêi têa.

Tung hâi kố, kăn xiâm hnê ngăn pơtroh ngế cheăng vâ pôk Ngế pro xiâm hnê ngăn Chin phuh, Kơxê, Kuô̆k hô̆i, pôk Ngế pro xiâm hnê ngăn Chin phuh tiô túa ki tâ phĭu pơkí; têk kŏng tơbleăng tơdroăng pơkâ pôk Ngế pro xiâm hnê ngăn Chin phuh. Pơtối mê, Ngế pro xiâm hnê ngăn Chin phuh kô krâ kơlŏng to pro kăn a ngiâ Kuô̆k hô̆i tung măng tĭng pêi cheăng má mơ’nui dêi rôh hôp má 11, Kuô̆k hô̆i kô pêi pro tơdroăng ki pơtê cheăng ƀă pôk kăn xiâm phŏ hnê ngăn tơnêi têa, ƀă mâu kăn cheăng tung Vi ƀan pơkuâ Kuô̆k hô̆i; kăn xiâm pơkuâ mâu Vi ƀan dêi Kuô̆k hô̆i, kăn chêh tôm xo rơkong Kuô̆k hô̆i, kăn xiâm séa ngăn liăn ngân Tơnêi têa tiô túa ki tâ phĭu pơkí.

Nga tơplôu ƀă tơbleăng