VOV4.Sêdang - Pơtối rôh hôp má 11, Kuô̆k hô̆i hneăng má 14, hâi lơ 6/4, Kuô̆k hô̆i pêi cheăng ‘na tơdroăng mâu ngế cheăng. Ki nhên, a kơxo, Kuô̆k hô̆i kô thâ pơtê ƀă kăn xiâm phŏ hnê ngăn tơnêi têa, ai mâu kăn cheăng tung Vi ƀan Kuô̆k hô̆i, kăn xiâm pơkuâ mâu Vi ƀan dêi Kuô̆k hô̆i, kăn xiâm chêh tôm xo rơkong Kuô̆k hô̆i, kăn xiâm séa ngăn liăn ngân Tơnêi têa.

Klêi mê, kăn xiâm hnê ngăn tơnêi têa kô pơchuât hlá mơ-éa ki chêh inâi pơtroh ăm Kuô̆k hô̆i pôk kăn xiâm phŏ hnê ngăn tơnêi têa; Vi ƀan pơkuâ Kuô̆k hô̆i pơtroh hlá mơ-éa chêh inâi vâ Kuô̆k hô̆i pôk mâu kăn cheăng tung Vi ƀan pơkuâ Kuô̆k hô̆i. Mâu kăn Kuô̆k hô̆i kô tơpui a Khu ‘na tơdroăng ki pơtroh mâu ngế cheăng vâ pôk pro kăn xiâm phŏ hnê ngăn tơnêi têa, ai mâu kăn cheăng tung Vi ƀan pơkuâ Kuô̆k hô̆i ƀă a kơxê kô pôk mâu inâi ki kố tiô túa ki tâ phĭu pơkí.

Xuân a kơxê ki mê, Vi ƀan pơkuâ Kuô̆k hô̆i pơtroh inâi vâ Kuô̆k hô̆i pôk kăn xiâm pơkuâ mâu Vi ƀan dêi Kuô̆k hô̆i, kăn xiâm chêh tôm xo rơkong Kuô̆k hô̆i, kăn xiâm séa ngăn liăn ngân Tơnêi têa.

Katarina Nga tơplôu ƀă tơbleăng