VOV4.Sêdang - Rôh hôp má 11, Kuô̆k hô̆i hneăng 14 pơxiâm pêi cheăng hâi má 2. Tung rôh hôp kơxo a hngêi hôp kân, mâu kăn kô tơmâng mâu tơdroăng tơbleăng ‘na cheăng tung hneăng sap hơnăm 2016-2021 dêi Hngêi tơleăng xiâm, Tíu xiâm séa ngăn arak luât tơleăng kuăn pơlê, Tíu pêi cheăng xiâm riân ngăn liăn Tơnêi têa ƀă tơbleăng pâ thế dêi kuăn pơlê.

Pôa Nguyễn Hạnh Phúc, Ngế cheăng tung Hô̆i đong ngăn Tâ phĭu  tơnêi têa, Ngế xiâm dêi Ƀơrô Hô̆i đong ngăn tâ phĭu tơnêi têa  tơbleăng tơdroăng chêh tối mâu tơdroăng hiăng pêi tơbleăng tơdroăng cheăng vâ tâ phĭu rah xo kăn Kuô̆k hô̆i hneăng 15 ƀă Kăn hnê ngăn Hô̆i đong kuăn pơlê rêm râ hneăng hơnăm 2021-2026 sap ing mơjiâng Hô̆i đong Tâ phĭu tơnêi têa troh khế 3/2021.

Rôh hôp má 11, Kuô̆k hô̆i hneăng 14

Peăng kơxêi, mâu kăn tơpui tơno a tôh ‘na Hlá mơ-eá tối tơbleăng hnoăng cheăng tung hneăng 14 dêi Kuô̆k Hô̆i; tơbleăng tơdroăng cheăng tung hneăng 14 dêi Vi ƀan pơkuâ cheăng Kuô̆k hô̆i, Hô̆i đong ngăn Kuăn ngo, mâu Vi ƀan dêi Kuô̆k hô̆i; ƀă tơbleăng mâu tơdroăng cheăng pêi tung hneăng  hơnăm 2016-2021 dêi: Kăn xiâm hnê ngăn Tơnêi têa, Chin phuh, Hngêi tơleăng xiâm, Tíu xiâm seá ngăn arak Luât tơleăng, Tíu xiâm riân ngăn liăn Tơnêi têa.

Gương tơplôu ƀă tơbleăng