/VOV4.Sêdang - Pơtối pêi cheăng dêi rôh hôp má 11, hâi lơ 31/3, Kuô̆k hô̆i pêi cheăng a Hngêi hôp kân ƀă ‘măn kơdĭng tâi tâng chôu ăm tơdroăng cheăng ‘na mơngế, ‘mâi hơ’leh hên mâu kăn pơkuâ dêi Kuô̆k hô̆i, pôa Vương Đình Huệ, Ngế cheăng tung khu xiâm kal kí, Kăn pơkuâ ngăn Đảng pơlê kong kân Hà Nôị, Kăn pơkuâ khu lêng pơlê kong xiâm, Ngế xiâm pơkuâ djâ khu kăn Kuô̆k hô̆i pơlê kong kân Hà Nội cho ngế ki châ tơbleăng vâ Kuô̆k hô̆i rah xo pơtối xo pêi hnoăng cheăng teăng jâ Nguyễn Thị Kim Ngân ki hiăng châ Kuô̆k hô̆i ăm pơtê ôh tá rah xo xếo. 

Kuô̆k hô̆i pơtối tâ phĭu rah xo kăn xiâm hnê ngăn ƀă Kăn phŏ hnê ngăn Kuô̆k hô̆i

Tung rôh pêi cheăng a kơxo, Vi ƀan pơkuâ cheăng Kuô̆k hô̆i tơbleăng ăm Kuô̆k hô̆i tơpui tơno a Khu ƀă tối mơnhên, tơmâng xo tơdroăng veăng hnê tối dêi mâu kăn Kuô̆k hô̆i ‘na tơdroăng mơngế vâ rah xo Kăn hnê ngăn Kuô̆k hô̆i, kăn hnê ngăn Hô̆i đong Tâ phĭu tơnêi têa.

Pơtối mê, Kuô̆k hô̆i tơpui tơno, têk kŏng vâ tơbleăng  inâi ƀă tâ phĭu rah xo Kăn xiâm hnê ngăn Kuô̆k hô̆i, Kăn xiâm hnê ngăn Hô̆i đong Tâ phĭu tơnêi têa ƀă tơdroăng tâ phĭu pơkí. Xuân tung rôh pêi cheăng hâi kố, Vi ƀan pơkuâ cheăng Kuô̆k hô̆i pơtê ôh tá rah xo xếo mâu Kăn phŏ hnê ngăn Kuô̆k hô̆i  hlối pơtrroh inâi vâ rah xo mâu ki teăng.

Gương tơplôu ƀă tơbleăng