VOV4.Sêdang - Pơtối dêi rôh hôp má 11, rôh hôp tâi tâng a Hngêi hôp kân hâi lơ 26/3, Kuô̆k hô̆i hiăng tơpui ‘na pơkâ tơleăng mâu hlá mơéa tối tơbleăng hnoăng cheăng hneăng má 14 dêi Kuô̆k hô̆i; mâu hlá mơéa tối tơbleăng hnoăng cheăng hneăng má 14 dêi Vi ƀan pơkuâ Kuô̆k hô̆i, Hô̆i đong hnê ngăn Hdroâng kuăn ngo, mâu vi ƀan dêi Kuô̆k hô̆i.

Tâ tá rôh hôp

Mâu rơkong tơpui tối dêi mâu kăn Kuô̆k hô̆i tối nhên, hvái ngăn tung pơla 5 hơnăm, Kuô̆k hô̆i hneăng má 14 hiăng mơdêk hiâm mơno pôu râng tơdroăng cheăng, mơeăm má môi vâ pêi klêi hnoăng cheăng. Hneăng hơnăm hdrối Kuô̆k hô̆i hneăng má 14 hiăng blêi trâng tung tâi tâng mau tdraoăng cheăng sap ing mơjiâng luât, séa ngăn, pơkâ mâu tơdroăng ki kal dêi tơnêi têa troh tơpui kâ kuô̆k hô̆i, veăng kum ăm tơnêi têa krá rơdêi tơkâ luâ mâu tơdroăng xơpá, pro chiâng ai mâu tơdroăng blêi trâng, rơdêi tung tdtroăng rêh ối pơlê pơla, gâk kring cheăm bêng, tơpui kâ, hơ’lêh ƀă mơdêk tơdroăng rêh ối kuăn pơlê. Mâu tơdroăng ppkâ kố dêi Kuô̆k hô̆i đi đo pêi pro sap ing hiâm mơno, tơdroăng ki loi tơngah dêi kuăn pơlê, ki pơxúa dêi tơnêi têa, dêi hdroâng mơngế, sap ing tơdroăng ki pơkâ thế mơnhông mơdêk dêi tơnêi têa.

Katarina Nga tơplôu ƀă tơpbleăng