VOV4.Sêdang - Tiô pơkâ dêi Vi ƀan kong pơlê Lâm Đồng tung pơla hơnăm 2021-2025 kô mơdêk tơdroăng cheăng pơlê pơla a mâu kơvâ cheăng, rêm râ, tơtro ƀă tơdroăng tơdroăng cheăng kâ - rêh ối pơlê pơla a kong pơlê tiô kơ tơrêm hơnăm.

Mê cho, pơla hơnăm 2021-2025 châ 60% kơxô̆ kơ koan, khu tơrŭm cheăng, mâu tíu veăng kum tung rêh ối pơlê pơla, mâu tíu mơgât pâk chik ma tŭi, hngêi phak, hngêi trung hnê vêh chiâng mơngế lĕm, mâu kơ koan hnê ‘na luât, Hngêi trung, Hngêi pơkeăng, cheăm, bêng, pơlê kân; ki iâ gá ai 30% kơxô̆ kăn ƀô̆, mơngế pơkuâ, mâu ngế pêi cheăng ‘na pơlê pơla dế pêi cheăng a mâu cheăm, bêng, pơlê kân, mâu tíu ki kum tung tơdroăng cheăng pơlê pơla pei ki iâ gá châ tơdế kơxô̆ tíu veăng kum tung rêh ối pơlê pơla, tíu khăm pơlât, tíu hnê mơhno ƀă tíu  pei cheăng tơdjâk ki ê tung tơdroăng pơkâ ai kum liăn tung rêh ối  pơlê pơla, kơxô̆ mơngế ki xahpá châ kơ êng kơjo kum tung tơdroăng rêh ối hơăm 2025 tâk 20% tâng vâ pơchông ƀă hơnăm 2020; rak tơniăn ki iâ gá 85% vâi ‘nĕng kuăn tê ôh tá ai tíu ối, vâi o ki nôu pâ lôi tá vâ ngăn châ kơjo kum tung rêh ối.

Gương tơplôu ƀă tơbleăng