VOV4.Sêdang - Hâi lơ 7/6, Khu xiâm ngăn pơkeăng kong pơlê Lâm Đồng ăm ‘nâi, kơ koan khu râ pơkuâ cheăng nếo châ ‘nâi môi ngế ki lăm klâ krê tơchoâm teăng ngế ki ê ki vêh ing kơpong ai pơreăng. Klêi châ ‘nâi ai pơ’lêh mơngế lăm klâ krê tơkŭm, mâu khu râ pơkuâ cheăng hiăng rĕng tơmâng mơnhên ngăn vâ ‘nâi tíu ối dei pôa Đ.N.D. Pakĭng mê,  thâ rĕng djâ pôa ki mê lăm klâ krê tơchoâm tro tiô pơkâ.

Lâm Đồng pêi pro kơtăng tơdroăng tơbleăng inâi tíu ối ăm khu ngăn pơkeăng tâng hdrối mê hiăng prôk troh a kơpong tâ pơreăng

Tơdrêng amê, tơ’nôm pơkâ kơtăng luât klâ krê tơkŭm ƀă mâu ngế ki lăm klâ krê teăng cho pôa T.Đ.D. Tiô Khu ngăn pơkeăng kong pơlê Lâm Đồng, ngế ki hiăng pro xôi luât pơkâ ‘na hbrâ mơdât pơreăng Covid-19  kô pơxâu phâk kơtăng drêng hiăng tâi hâi pơkâ klâ krê 21 hâi. Riên sap 6h hâi lơ 7/6, kong pơlê dế pêi pro tơdroăng klâ krê 2 rơpâu 490 ngế. Tơdrêng amê, Lâm Đồng ai tơ’nôm 215 ngế khăm ngăn mơheăm ăm hlo âm tính ƀă SARS-CoV-2.

Gương tơplôu ƀă tơbleăng