VOV4.Sêdang - Kơxo lơ 25/5, pôa Nguyễn Đức Thuận, kăn pơkuâ Khu ngăn pơkeăng ƀă khăm pơlât ăm ‘nâi, tâi tâng 120 túa ki séa ngăn dêi mâu ngế ki ai tơdjâk troh ngế ki tâ pơreăng má 3141 âm tĭnh rôh má 3 ƀă  SARS-CoV-2. Riân troh kơxo lơ 25/5, kong pơlê Lâm Đồng hiăng klâ krê ƀă 355 ngế; tung mê, a mâu tíu khăm pơlât 21 ngế; a mâu kơpong klâ ối krê tơkŭm 259 ngế ƀă klâ ối krê a hngêi 75 ngế.

Tơdjâk troh ngế ki tâ pơreăng COVID-19 ngế má 3141 sap ing Bắc Ninh ki troh a Đà Lạt ôm hyô sap ing hâi lơ 2 – 5/5, Lâm Đồng hiăng tăng hlo 776 ngế. Nôkố, dế klâ krê 152 ngế. Malối, sap ing hâi lơ 23 – 25/5 hiăng ai 249 túa séa ngăn SARS-CoV-2 rôh má 3 âm tĭnh. Mâu ngế ki klâ ối krê tơkŭm 3 rôh âm tĭnh ƀă SARS-CoV-2 hiăng châ pơkâ pêi pro klêi tơdroăng ki klâ ối krê.

Katarina Nga tơplôu ƀă tơbleăng