VOV4.Sêdang -  Khu hnê mơhno séa ngăn cheăng kâ kong pơlê Lâm Đồng hiăng tơkŭm po tơbleăng tơdroăng cheăng séa ngăn ‘na cheăng kâ ƀă séa ngăn mâu tíu pêi cheăng hơnăm 2021. Tiô tối tơbleăng dêi khu xiâm riân ngăn kong pơlê, troh khế 4/2021 lâm tung kong pơlê hiăng tơbleăng séa ngăn 2.158 tung tâi tâng kơxô̆ 8.659 khu mơdró, châ 33%. Ƀă khu pêi cheăng mâu kơ koan tung kong pơlê hiăng tơbleăng séa ngăn 519/519 tíu pêi cheăng, kơ koan, châ 100%...

Tâng ngăn tơchoâm tơdroăng séa ngăn a mâu hâi hdrối kô nah vâ tối gá tơniăn tơ-ƀrê, mâu tơdroăng ‘na kơxô̆ vâ tŭm tâi tâng ƀă tơdroăng séa ngăn châ pêi pro tro tiô pơkâ. Laga pakĭng mê, xuân ối mâu tơdroăng ki hâi pêi pro, ki pro hâi tro môi tiah tơdroăng séa ngăn a mâu kong pơlê tơring ki ‘nâ ối hrá, ai kơxŏ phĭu  séa ngăn ki ‘nâ tơdjâk troh khu mơdró, chêh hâi tro oh tá tŭm ‘na kih thuât.

Tung la ngiâ, Khu hnê mơhno séa ngăn kô pơtối tơkŭm mơdêk tơdroăng cheăng séa ngăn, mơhnhôk tâi tâng mâu tíu pêi cheăng chêh tối tŭm mâu tơdroăng vâ pê klêi tơdroăng séa ngăn ‘na cheăng kâ hơnăm 2021 tung kong pơlê Lâm Đồng.  

Gương tơplôu ƀă tơbleăng