Pôa Lê Văn Hải ối a tôh kơpho# Thái Bình, bêng 12, pơlê kong kơdrâm Đà Lạt ai 4 ha tơnêi deăng ki pêt reăng cúc [ă mơjiâng hdrê reăng cúc, hdrối nah rêm khế ai lối 4 rơpâu 500 pul on ki mơ’no vâ eăng bâ trâ tô kơxo# liăn ki mơdrếo ăm on tơhrik hiăng tâi lối 47 rơtuh. Nếo achê pơla kố, drêng yă on tơhrik ai yă to kơnâ, kơxo# liăn mơdrếo ăm on tơhrik hiăng tâk troh 57 rơtuh liăn. Tiô pôa Hải, mơdâ pêt reăng cúc ga tơkôm to ing tơdroăng ai on tô trâ lơ ôh. To lâi rơnó achê pơla kố, oâ  hdrong, pơreăng hiăng tâ tú a reăng cúc hên, mê yă on tơhrik thăm to kơnâ, pro hên mâu ngế ki pêi kơdrum chiâng trâm hên xahpá hên ó tâ nếo.

‘’Môi hơnăm á athế ‘no hrê dêi lối 120 rơtuh liăn mơdrếo on tơhrik. Tung pơla mê, yă tê reăng nôkố ga xuân ôh tá to kơnâ. Oâ hdrong, pơreăng tâ tú rế hía rế hên, mơngế pêt reăng hiăng tro lu\p hên ó ‘nâng. La troh a chôu phut kố, kuăn pơlê athế ‘no tơ’nôm dêi liăn on tơhrik nếo, tâi tâng mâu kuăn pơlê pơrá tro lu\p hên ó ‘nâng’’.

Deăng ki mơjiâng hdrê reăng cúc dêi rơpo\ng pôa Hải a Pơlê Thái Phiên

Tiô pôa Nguyễn Văn Ron, Kăn hnê ngăn Vi [an bêng 12,  pơlê kong kơdrâm Đà Lạt tối, mâu rơpo\ng akố tâng vâ riân ngăn 1 hơnăm pêt reăng ai 4 rơnó. Vâ reăng châ mơnhông dâi le\m, 1 ha ngế pêi kơdrum athế kơtúa ai 1 rơpâu troh 1 rơpâu 200 to pul on vâ ăm ga eăng bâ trâ tô. {ă tơdroăng ki yă on tơhrik to kơnâ tiah pơla kố, rêm hơnăm mâu ngế pêi kơdrum a bêng 12 athế ‘no dêi liăn rôe on tơhrik ki pêi cheăng kâ mê lối 45 rơtal liăn.

‘’Tơdroăng ki to kơnâ yă on tơhrik dêi khu ngăn ‘na on tơhrik ai tơdjâk kân ó ‘nâng tơdroăng ki pêi lo liăn ngân dêi vâi krâ-nho\ng o. Ki ê nếo, ối pro pá puât ăm vâi krâ nho\ng o tung pêi chiâk pêi deăng, pêi cheăng kâ. Ki rơhêng vâ tối, bêng 12 cho bêng ki mơdâ pêt reăng, xua mê, kơxo# on tơhrik ki kuăn pơlê vâ xúa ga hên ó ‘nâng’’.

Môi víu Pơlê reăng Thái Phiên a kơmăng

Xuân môi tiah mê a tơring Lạc Dương, mâu ngế pêi kơdrum xuân hiăng pơxiâm athế tơmiât ‘na kơxo# liăn ki xúa on tơhrik. Pôa Hòang Xuân Hải, Kăn [ơrô ngăn ‘na chiâk deăng [ă mơnhông thôn pơlê dêi tơring Lạc Dương tối ăm pin ‘nâi, tơring Lạc Dương ai lối 700 ha tơnêi deăng pêt kơchâi, reăng ki xúa kơmăi kơmok. Klêi kơ’nâi on tơhrik to kơnâ yă tiah mê, rêm khế liăn xúa on tơhrik dêi mâu ngế pêi kơdrum hiăng tâk sap ing 15 troh 20%. Tiô pôa Hải tối, vâ rak tơniăn ăm tơdroăng pêi kâ dêi mâu ngế pêi kơdrum, mê kal athế hơ’lêh ‘na mâu tơmeăm on tơhrik:

‘’Ngin kô hnê tối ăm kuăn pơlê pêi chiâk deăng kal athế ‘nâi túa kơd^ng on tơhrik. Mơhnhôk kuăn pơlê athế xúa pul on tơhrik, túa pul led. On led dế nôkố hiăng ai hên rơpo\ng hiăng hmâ xúa. Ki má môi xua ga krá kâk ton. Ki má péa, on tơhrik ki xúa vâ mơ’no mê ga ôh tá ‘nhê hên môi tiah mâu pul on ki ê’’.

Dế nôkố, kong pơlê Lâm Đồng ai lối 4 rơpâu 500 ha tơnêi pêi pêt kơchâi, reăng tung hngêi nhe\ng, xúa troh dâng rơtuh pul on ki vâ eăng bâ trâ tô, ga kô mơ’nhê hên ivá on tơhrik. Riân sap ing roh ki yă on tơhrik tâk kơnâ, mơngế pêi chiâk deăng pơxiâm châ hlo nhên tơdroăng ki pá puât ung xúa on tơhrik, yă on to kơnâ. Maluâ tiah mê, kố xuân cho tơdroăng ki kal khât vâ khu pêi chiâk deăng dêi kong pơlê Lâm Đồng tah lôi mâu kơmăi kơmok ki ôh tá tơtro tiô chal nếo, mơjiâng môi kơpong pêi chiâk deăng ki xúa to kơmăi kơmok chal nếo khât păng ‘nâng.

Tuấn Anh chêh

Nhat Lisa tơplôu [ă tơbleăng