VOV4.Sêdang - Kơxê lơ 17/5, Vi ƀan ngăn ‘na tâ phĭu kong pơlê Lâm Đồng hiăng tơkŭm hôp tơbleăng tối mâu tơdroăng ki tơdjâk troh tơdroăng hbrâ vâ tâ phĭu ƀă mâu troăng hơlâ pơkâ tâ phĭu dêi mâu ngế ki dế klâ ối krê, tiô tơdroăng dế séa ngăn hlối hbrâ mơdât pơreăng COVID-19 a kong pơlê. Nôkố tơdroăng hbrâ tâ phĭu rah xo Kăn Kuô̆k hô̆i hneăng 15 ƀă mâu kăn Hô̆i đong rêm râ kong pơlê Lâm Đồng hiăng pê klêi.

Tiô khu xiâm ngăn pơkeăng pơlât kong pơlê Lâm Đồng tối, nôkố Lâm Đồng hâi ai ngế ki lâi dương tính ƀă COVID-19. Lâp tung kong pơlê dế pêi pro tơdroăng klâ krê 588 ngế. Tung mê, klâ krê 216 ngế a hngêi pơkeăng, 338 ngế a mâu kơpong klâ krê a tíu pêi cheăng ƀă 234 ngế klâ krê a hngêi. Vâ tơniăn tơdroăng hbrâ mơdât pơreăng COVID-19, ví tâ tú pơreăng tung pơla tâ phĭu, mâu ngế ki mê kô châ tâ phĭu a kơpong klâ krê.

Gương tơplôu ƀă tơbleăng