Tiô Khu pơkuâ ngăn pơkeăng [a\ khăm pơlât Lâm Đồng tối, hơnăm 2018, mâu hngêi pơkeăng a cheăm, tơring [a\ mâu hngêi pơkeăng tung kong pơlê hiăng khăm pơlât ăm lối 2 rơtuh 400 rơpâu ngế tamo châi, khăm hdrối ăm vâ chê 400 rơpâu roh ngế, xúa xoăng koi pơlât châ lối 106%. Tung mê, lối 21 rơpâu 600 ngế tamo châi châ khăm pơlât tê kơtê, lối 3 rơpâu 260 ngế kơtiê [a\ mâu ngế tro tâ pơrea\ng ki ôh tá ai pơkeăng pơlât prêi châ to\ng kum liăn khăm pơlât.

A roh pêi cheăng dêi khu kăn pêi cheăng dêi Khu xiâm ngăn pơkeăng [a\ khăm pơlât [a\ kong pơlê Lâm Đồng

Laga, tơdroăng khăm pơlât, rak ngăn ivá kuăn pơlê a Lâm Đồng xuân ối tơvâ tơvân. Tiô pôa Huỳnh Ngọc Thành, Kăn pơkuâ hngêi pơkeăng kân Đa khoa II Lâm Đồng tối, xua ôh tá tu\m mơngế pêi cheăng, mê tơdroăng khăm pơlât dêi hngêi pơkeăng trâm hên pá puât, đi đo hâ ho mơngế troh khăm pơlât:

‘’Ki phá dêi Lâm Đồng mê cho a Bảo Lộc thăm pá puât ‘na mơngế pêi cheăng, ôh tá tu\m mơngế pêi ki rơkê, ki má lối cho mâu [ok thái pơkeăng. Cho hngêi pơkeăng kong pơlê laga bu ai 72 ngế [ok thái pơkeăng ai chưng chih khăm pơlât, vâ troh pêi a tâi tâng kơvâ mê cho pá. Môi hâi khăm pơlât 1.000 – 1.300 ngế pơlât ối koi pá kong [a\ lối 500 ngế tamo châi koi pơlât tung hngêi pơkeăng.

Hngêi pơkeăng xuân lăm troh a hngêi trung đăi hok vâ rah xo mơngế pêi cheăng laga xua ôh tá ai troăng hơlâ, xua mê mâu vâi o ôh tá vâ pêi cheăng, laga tâng ai ngế vâ pêi cheăng, pêi cheăng klêi 18 khế mê pro chưng chih pêi cheăng, klêi mê, xuân pơtê cheăng lăm pêi cheăng a Sài Gòn. Xua mê cho pá khât ôh tá tu\m mơngế pêi cheăng’’.

Rơtế [a\ tơdroăng ôh tá tu\m mơngế pêi cheăng, tơdroăng pêi pro Luât khăm pơlât, Luât [aoh hiêm khăm pơlât [a\ mâu mơ-éa hnê mơhno pêi pro dêi mâu Khu xiâm, kơvâ, châ tối ai hên tíu tá hâi tơtro, xuân pro pá ăm tơdroăng khăm pơlât. Krê tiô thông tư 13 hơnăm 2012 dêi Khu xiâm ngăn pơkeăng [a\ khăm pơlât ‘na tơdroăng pâk pơkeăng pro hlâ lok vâ pơlât ivá prêi le\m, xua Lâm Đồng u ối 13/18 hngêi pơkeăng tá hâi ai [ok thái pơkeăng vâ pơkeăng pro hlâ lok xua mê chiâng pro lu\p hên liăn ăm mâu ngế châi tamo drêng thế lăm pơlât a hngêi pơkeăng râ kơpêng, pá puât ăm mâu hngêi pơkeăng drêng {aoh hiêm pơlê pơla ôh tá hêng chêl kơxo# liăn pâ pơlât xua ôh tá ai [ok thái pơkeăng pâk pơkeăng pro hlâ lok.

Pak^ng mê, tơdroăng ôh tá bê pơkeăng a mâu hngêi pơkeăng xuân ai. Jâ Bùi Thị Nga Giang, Kăn pho\ pơkuâ {aoh hiêm pơlê pơla Lâm Đồng tối, xiâm kối chiâng ai tơdroăng kố xua mâu pơkâ a thông tư 11 hơnăm 2016 dêi Khu xiâm pơkuâ ngăn pơkeăng [a\ khăm pơlât ‘na tơbriât há yă pơkeăng ki vâ rôe.

‘’Hên hngêi pơkeăng krếo tối ôh tá ai pơkeăng, tơdroăng ôh tá bê pơkeăng xua tá hâi tu\m tung tơdroăng há yă vâ rôe pơkeăng, xua troăng hơlâ yă rôe pơkeăng ối hên tơvâ tơvân. Pêi pro tiô pơkâ kơxo# 11 mê tơniăn tâ laga tơdroăng ôh tá bê pơkeăng pơtối ai. Xua mê, pâ thế pơkâ ‘na há yă rôe pơkeăng ai mâu tơdroăng ki ối tơvâ tơvân kal ‘mâi rơnêu tơtro’’.

A roh pêi cheăng, teăng mâ Khu kăn pêi cheăng dêi Khu xiâm ngăn pơkeăng [a\ khăm pơlât hiăng tiâ tối mâu tơdroăng tơvâ tơvân [a\ mơnhên mâu tơdroăng pâ thế dêi kơvâ ngăn pơkeăng [a\ khăm pơlât Lâm Đồng.

Krê tơdroăng ôh tá bê pơkeăng pơtối ối ai, jâ Nguyễn Thị Kim Tiến, Ngế xiâm pơkuâ ngăn pơkeăng [a\ khăm pơlât tối, kơvâ ngăn pơkeăng [a\ mâu kơ koan ki tơdjâk dêi kong pơlê Lâm Đồng kal hbrâ tơleăng, ôh tá ăm ai tơdroăng kố pơtối tung la ngiâ:

‘’Yă rôe pơkeăng tiô hiâm mơno cho pêi pro troăng hơlâ pơkuâ Tơnêi têa, pin pôi tá pơkuâ ‘na mơ-éa. {a\ drêng Khu pơkuâ ngăn pơkeăng [a\ khăm pơlât pá puât mê pin thế kơ-êng mâu kơ koan râ kơpêng vâ tơleăng, ví tơdroăng ôh tá bê pơkeăng. Tíu tê pơkeăng ai môi tiah mê tiah lâi pin pêi tiô troăng hơlâ, hngêi pơkeăng ki krê ôh tá môi tiah mê lâi há. Tiah lâi lôi ăm ai tơdroăng ôh tá tu\m pơkeăng ăm kuăn pơlê [a\ pơkeăng ăm mâu hngêi pơkeăng cheăm ti mê, ki kố Khu pơkuâ ngăn pơkeăng [a\ khăm pơlât [a\ mâu kơvâ ki tơdjâk rơtế {aoh hiêm pơlê pơla thế pôu râng hnoăng cheăng’’.

Quang Sáng chêh

A Sa Ly tơplôu [a\ tơbleăng