VOV4.Sêdang - Tíu lĕm mơnâ mâ ngăn tơnêi têa long têa Tuyền Lâm – pơlê kong kơdrâm Đà Lạt, kong pơlê Lâm Đồng kô châ rơnêu ƀă kơxô̆ liăn lối 30 rơtal liăn. Khu pơkuâ ‘na pêi chiâk deăng ƀă Mơnhông thôn pơlê kong pơlê Lâm Đồng tối ăm ‘nâi hiăng pơkâ thế Khu pơkâ túa cheăng ƀă mơ’no liăn cheăng tơbleăng Vi ƀan kong pơlê troăng pơkâ pêi mơ’no liăn rơnêu long hdoăng têa tíu lĕm mơnâ mâ ngăn Tuyền Lâm.

Tíu lĕm mơnâ mâ ngăn long têa Tuyền Lâm – Pơlê kong kơdrâm Đà Lạt

Tung tâi tâng kơxô̆ liăn, kơxô̆ liăn Tơnêi têa lối 21 rơtal liăn, ki ê cho kơxô̆ liăn dêi pơlê kong kơdrâm; hâi khế rơnêu tung 2 hơnăm. Long hdoăng têa tíu lĕm mơnâ mâ ngăn Tuyền Lâm kân rơdâ 320 ha, kơtăn tíu xiâm Đà Lạt 7 km, mơjiâng pro kơtăn kố lối 30 hơnăm, kum ăm tơdroăng tôh lối 1.900 ha tơnêi pêi chiâk deăng pá kơdâm. Kố xuân cho tíu ôm hyô mơhnhôk kơdrâm tơmối troh ngăn.

A Sa Ly tơplôu ƀă tơbleăng