VOV4.Sêdang - Hâi lơ 3/5, Vi ban hnê ngăn kong pơlê Lâm Đồng tơbleăng hlá mơ-eá rĕng ‘na tơdroăng pơtê pơtân pêi mâu tơdroăng cheăng mơdró vâ hbrâ mơdât pơreăng COVID-19. Ing mê, sap 19 chôu kơmăng lơ 3/5, mâu tơdroăng mơdró ki ôh tá kal môi tiah koăn bar, karaoke, tíu ki tuih xuâng, tíu xah hêi điê̆n tưh ki tơ’lêi tâ pơreăng COVID-19 tung kong pơlê Lâm Đồng pơrá athế pơtê ‘nôi. Ƀă mâu tíu mơdró kâ ki ê chiâng po mơdró.

Mâu khu râ pơkuâ cheăng kong pơlê Lâm Đồng séa ngăn tơdroăng hbrâ mơdât pơreăng a tơraih tơ-ƀai Liên Khương

Vi ƀan hnê ngăn kong pơlê Lâm Đồng thế pêi pro tŭm mâu tơdroăng hbrâ mơdât pơreăng. Krê tơmối ôm hyô,  Vi ƀan hnê ngăn kong pơlê Lâm Đồng thế Kŏng an kong pơlê pơkuâ, tơrŭm ƀă mâu tíu pêi cheăng ki tơdjâk troh séa ngăn, tí tăng ‘nâi plĕng pêi pro teăm tơdrêng châ ‘nâi mâu ngế ki ối achê ƀăng ngế tâ pơreăng COVID-19, tâng chiâng kô klâ krê tiô pơkâ.

Gương tơplôu ƀă tơbleăng