VOV4.Sêdang - Vi ƀan kong pơlê Lâm Đồng hiăng ai hlá mơ-éa pơkâ Khu pơkuâ ngăn loăng pơlái kong kế ƀă kong prâi, Vi ƀan mâu tơring, pơlê kong kơdrâm pơtê tơleăng hô sơ klâ ƀăng tơnêi tíu tung kong pơlê. Ki nhên, Vi ƀan kong pơlê Lâm Đồng pơkâ thế Khu pơkuâ ngăn loăng pơlái kong kế ƀă kong prâi, Vi ƀan mâu tơring, pơlê kong kơdrâm pơtê pơtân tơleăng hô sơ klâ ƀăng tơnêi tíu tung kong pơlê troh drêng ai tơpui hnê mơhno pơtối dêi Vi ƀan kong pơlê (ôh tá xêo ôh hô sơ klâ ƀăng tơnêi xua diâp ăm tung rơpŏng).

Pêi pro hnê mơhno dêi Viƀan kong pơlê, Khu pơkuâ loăng pơlái kong kế ƀă kong prâi kong pơlê Lâm Đồng xuân ai mơ-éa hnê mơhno Ƀơrô kĭ tơnêi tíu séa ngăn tâi tâng hô sơ klâ ƀăng tơnêi hiăng tơdah ƀă dế u ối xua pá puât ‘na pơkâ mơjiâng troăng klông. Tơdrêng amê, séa ngăn hô sơ, klâ nhên; Pơtê pơtân tơdah mâu hô sơ klâ ƀăng tơnêi tíu troh drêng ai pơkâ pơ’lêh dêi Vi ƀan kong pơlê ƀă ai rơkong tơpui hnê mơhno dêi Vi ƀan kong pơlê. Mâu hnoăng cheăng kố thế pêi pro tơdrêng ƀă tơbleăng Kăn pơkuâ hdrối hâi lơ 10/6/2021.

          A Sa Ly tơplôu ƀă tơbleăng