VOV4.Sêdang - Hâi lơ 14/5, Vi ƀan kong pơlê Lâm Đồng tơbleăng mơ-éa pơtối pêi pro mâu troăng hbrâ mơdât pơreăng COVID 19. Pơtối mê, pơkâ pơtê pơtân tơ’nôm mâu tơdroăng, môi tiah: Mâu môn tơ’noăng ivá (kơtú ƀa long, peăng ƀa long, klê têa, golf ƀă mâu kâu lăk ƀô̆ tơ’noăng ivá); pơtê mâu tơdroăng xah hêi tơkŭm a mâu plông kân, long têa, kơdrum reăng sap ing 12 chôu kơhâi dế hâi lơ 14/5 troh drêng ai tơbleăng nếo.

Vi ƀan kong pơlê Lâm Đồng pơkâ mâu khu, kơvâ cheăng, khu râ ƀă Vi ƀan mâu tơring, pơlê kong kơdrâm pơtối pêi pro hnê mơhno Tơnêi têa, Khu râ kăn pơkuâ cheăng Đảng ki ai mâ đi đo ƀă Vi ƀan kong pơlê ‘na mâu troăng hbrâ mơdât pơreăng COVID 19.

A Sa Ly tơplôu ƀă tơbleăng