VOV4.Sêdang - Mơdêk pêi mâu tơdroăng tơkêa bro, tơdroăng tơkêa xăm kơtiê, mơnhông cheăng kâ - rêh ối kơpong hdroâng kuăn ngo a Lâm Đồng tung hên hơnăm kố hía nah ai veăng tơlo tơdroăng kal dei mâu ngế ki kuăn pơlê pâ nhoăm, krâ pơlê, kăn thôn tung tơdroăng hnê tối, mơhnhôk tâi tâng mâu ngế tung kong pơlê. Nôkố ai 479 ngế kuăn pơlê pâ nhoăm dế rêh ối, pêi cheăng kâ a mâu thôn, pơlê kơpong hdroâng kuăn ngo. Ki hên mâu ngế kuăn pơlê pâ nhoăm a Lâm Đồng xuân châ hriâm tơ’nôm tơdroăng ‘na luât, ‘na tơdroăng hnê tối vâ xúa tung pêi pro tung rêh ối rêm hâi dêi kuăn pơlê.

Um mơngế kuăn pơlê pâ nhoăm djâ troăng ahdrối tung mơnhông cheăng kâ

Rêm hơnăm, Vi ƀan Măt trâ̆n tơnêi têa kong pơlê xuân tơkŭm khĕn kơdeăn, mơhé, kojo kum, am tơmeăm ƀă mơngế ki kuăn pơlê pâ nhoăm, ai hên hnoăng veăng ‘no. Lâm Đồng hiăng ‘măn dâng 3,7 rơtal liăn rêm hơnăm vâ kơjo kum, pêi pro tơdroăng pơkâ tŏng kum ƀă mâu ngế kuăn pơlê pâ nhoăm tung kong pơlê.

Gương tơplôu ƀă tơbleăng