Tơdah ngin tung hngêi ki kân krp [ă ai tu\m kế tơmeăm xúa, jâ Liêng Jrang K’Sáu, ối a thôn 4, cheăm Dă Sar, tơring Lạc Dương, kong pơlê Lâm Đồng ăm ‘nâi, 3 hơnăm hdrối nah, rơpo\ng jâ xuân ối tung rơpo\ng xơpá. Sap ing hâi ki khên tơnôu hơ’lêh pêt 3 sào kơphế ki hiăng krâ, ôh tá dâi le\m pêt kơchâi drêh xúa kơmăi kơmok chal nếo mê tơdroăng cheăng kâ hlo mơnhông mơdêk khât. Rơtế [ă tơdroăng ki hơ’lêh tơdroăng rêh ối, rơpo\ng jâ ối ‘măn kơd^ng kơxo# liăn vâ pơtối po rơdâ [ăng tơnêi pêt mâu reăng [ă loăng pơkeăng Atisô. Jâ Liêng Jrang K’Sáu ăm ‘nâi:

Hdrối nah, vâi krâ nho\ng o a cheăm Dă Sar kố pêt ki hên cho kơphế. Tơdroăng pơkâ dêi Đảng ủy cheăm mơhnhôk vâi krâ nho\ng o tah lôi [ăng tơnêi ki pêt kơphế ki hiăng krâ, pơtê lôi pêt mâu hdrê loăng ôh tá tro tơtro [ă tơnêi tơníu [ă hyôh kong prâi, pơkâ pêt mâu hdrê loăng ki ai yă tê kơnâ, môi tiah hơ’lêh pêt mâu hdrê loăng ki iâ hâi môi tiah: kơchâi, prá, reăng [ă hên ki ê hiăng pro ai pơxúa ăm vâi krâ nho\ng o tung tơdroăng rêh ối môi tiah châ mơjiâng pro hngêi, ai kế tơmeăm rak ngăn ăm kuăn ‘ne#ng hriâm tâp tá troh tui lui.

Nôkố, tung kơpong hdroâng kuăn ngo a cheăm Dă Sar dế ai môi tơdroăng hơ’lêh hlo nhên khât tung khu tơru\m pêi pêt kế tơmeăm tiô troăng ki pêt xúa kơmăi kơmok chal nếo. Ki nhên, hiăng ai lối 120 rơpo\ng rơpo\ng pêt châ tơ-[rê sap ing kơphế chiâng pêt mâu kơchâi, plâi, reăng tu\m túa tiô chal nếo, ăm yă kơnâ khât. Tiô pôa Kră Jăn Ha Đời, krâ pơlê, ối a thôn 3, cheăm Dă Sar, sap ing tơdroăng ki xúa khoa hok kih thua#t tung pêi chiâk deăng vâ mơdêk tơdroăng ki pêi lo liăn, hơ’lêh tơdroaqng rêh ối, vâi krâ nho\ng o ối kơhnâ xúa mâu tơdroăng tơ’noăng pâ nhuo#m tơnêi têa, rak ngăn kong, veăng kum liăn, pleăng tơnêi mơjiâng pro pro kế tơmeăm xúa tơdjuôm.

Mâu pơlê, cheăm rêm hâi rế krúa le\m tâ. Mâu khôi túa ton nah ôh tá tro xuân hiăng châ hơ’lêh, vâi krâ nho\ng o rêh ối [ă dêi rơpó rế hía rế mơdêk, kho#i tơru\m mâu hdroâng kuăn ngo rế hía rế ‘mâi mơnhông [ă mơdêk:

Tung pơla hdrối kố nah, vâi krâ nho\ng o hmâng tiô tơdroăng mơhnhôk dêi Đảng, Tơnêi hiăng ‘nâi xúa khoa hok kih thua#t tung pêi pêt kế tơmeăm, ki nhên gá môi tiah tung păn mơnăn mơnoâ, pêt kơphế, pêt mâu túa kơchâi [ă hnối tơru\m [ă tơdroăng ki rak vế kong. Kơnôm Đảng, tơnêi têa mơhnhôk tối tơbleăng troh rêm rơpo\ng, pơlê, cheăm mê tuăn hiâm rơkê ple\ng dêi vâi krâ nho\ng o rế hía rế hơ’lêh. Malối vâi krâ nho\ng o hiăng hlê ple\ng [ă xúa kơhnâ tung mâu tơdroăng mơjiâng thôn pơlê nếo. Vâi krâ nho\ng o xuân kơhnâ sôk ro tơdah hơnăm nếo, tơdah Têt khôi túa dêi hdroâng kuăn ngo Việt Nam tơná.

Tiô pôa Bùi Quốc Huân, kăn pơkuâ ngăn Đảng ủy cheăm Dă Sar, mơhé kxxo# pơ’leăng mâ mơngế dêi cheăm ki hên cho hdroâng kuăn ngo, la troh nôkố kơxo# rơpo\ng kơtiê bu ối 6%, pêi lo liăn rêm ngế tung hơnăm kố nah hiăng châ lối 35 rơtuh liăn. Kơnôm ing tơdroăng ki tơdjuôm ivá, môi tuăn mơdêk ivá, Dă Sar hiăng mơeăm pêi châ tiô pơkâ cho cheăm ki pêi klêi thôn pơlê nếo a mơ’nui hơnăm 2017. Tơdroăng ki xiâm má môi tung la ngiâ ah cho tơtro\ng troh hnoăng cheăng hơ’lêh pêt mâu hdrê loăng, mơdêk tơdroăng ki pêi chiâk pêi deăng tiô troăng hơlâ xúa kơmăi kơmok [ă mơdêk tơru\m tê, roê kế tơmeăm pêi lo ing chiâk deăng ăm kuăn pơlê:

Đảng [o#, khu kăn pơkuâ [ă kuăn pơlê mâu hdroâng kuăn ngo cheăm Dă Sar hlê nple\ng trâu hngế tiah kố, tơdroăng ki mơjiâng thôn pơlê nếo cho môi tơdroăng ki tơpá, la vâ pơtối rak vế krá ‘na cheăm pêi klêi thôn pơlê nếo cho tơdroăng ki rế tơpá tâ. Xua mê, ngin kô pơtối tơku\m hơ’lêh ‘na tơdroăng cheăng kâ, pêi tro tơdroăng ki tơru\m [ă mâu ko\ng ti, khu mơdró kâ tung tơdroăng roê, xo tê mơdró kế tơmeăm ki pêi lo ing chiâk deăng dêi kuăn pơlê. Tơdrêng a mê hnối, mơhnhôk kuăn pơlê khên tơnôu hơ’lêh pêt mâu [ăng tơnêi kơphế ki hiăng krâ, mâu hdrê loăng pêt ki ôh tá pơxúa chiâng hơ’lêh pêt mâu kơchâi, reăng tiô troăng ki pêi chiâk pêi deăng xúa kơmăi kơmok chal nếo.

{ă mâu túa tơmiât, túa pêi dêi mâu kuăn pơlê hdroâng kuăn ngo, tơdroăng to\ng kum kơhnâ khât dêi khu kăn pơkuâ, loi tơngah tiah kố tung hơnăm nếo cheăm thôn pơlê nếo Dă Sar kô pơtối mơnhông mơdêk tâ nếo, vâ tơdroăng rêh ối dêi kuăn pơlê rế hía rế phâi tơtô hơniâp ro.

Quang Sáng chêh

Katarina Nga tơplôu [ă tơbleăng