VOV4.Sêdang - Vi ƀan kong pơlê Lâm Đồng pơkâ mơnhông mơdêk khế pêi pro tơdroăng cheăng xúa vâi hdrêng hơnăm 2021 pơxá: Tơchoâm ivá rak tơniăn pêi pro tro hnoăng rêh ối, kring vế vâi hdrêng drêng kong prâi pro ôh tá tơniăn, pơreăng tâ tú, hâi khế tơkŭm pêi tung Khế pêi pro sap lơ 1/6 troh lơ 40/6/2021. Ing mê, Vi ƀan hnê ngăn kong pơlê thế mâu kơvâ cheăng, tíu pêi cheăng, tơring cheăm ngăn a tơdroăng pơkâ ƀă ki hlo ai khât dêi pơreăng COVID-19 vâ tơkŭm pêi mâu tơdroăng cheăng ăm tơtrro ‘na hnê tối mâu tơdroăng kring vế ƀă rak ngăn ivá vâi hdrêng tối tơchoâm ƀă hbrâ mơdât ‘nêk mơ’nêa, pro pơlăm pơlối vâi hdrêng, mơdât trâm xía vâ rong râ, klâk têa a vâi hdrêng.

Mơdêk hnoăng cheăng hnê tối, hbrâ hnê ăm vâi hdrêng tơdroăng rêh, malối cho tơdroăng hbrâ mơdât pro pơlăm pơlối tung măng Internet; hnê a tơdroăng hbrâ mơdât rong râ, trâm xía vâ lơ klâk têa, hnê tơdroăng ăm vâi hdrêng ‘nâi kring vế tơná tung pơla dế ai pơreăng COVID-19 tâ tú.

Gương tơplôu ƀă tơbleăng