VOV4.Sêdang -  Khu mơdró hơnăm ối nếo Việt Nam nếo tơrŭm ƀă Grup TTC ƀă Khu mơdró hơnăm ối nếo kong pơlê Lâm Đồng tơkŭm po leh pơcháu ăm 1 rơpâu bộ kit khăm ngăn mơheăm vâ ‘nâi SARS-CoV-2 ăm kong pơlê Lâm Đồng, vâ xúa tung tơdroăng hbrâ mơdât pơreăng COVID-19. Tơpui a hâi leh, pôa Trần Mế, Kăn hnê ngăn Hô̆i đong Kuăn trĭ dêi Grup TTC Lâm Đồng tối, Lâp tơnêi têa xuân mơdêk pêi pro tơdroăng hbrâ mơdât pơreăng xâu lơ tâ tú lâp lu, hên kong pơlê, pơlê kong kân hiăng pêi pro klâ ối hơngế pơlê pơla, tăng rĕng mâu ngế ki achê mâu ki tâ tú ƀă klâ krê mơdât kơpong ki tâ pơreăng.

Đà Lạt pơlê kong kơdrâm ôm hyô, mê tơdroăng séa ngăn pơreăng ai tơdjâk kân troh tơdroăng pêi pro mơdât pơreăng tâ tú tung kuăn pơlê, kơdroh ki tro lŭp troh mơnhông cheăng kâ, rêh ối, ma lối kơvâ ôm hyô. Pakĭng mê, tơdroăng pêi cheăng vâ rak pơlê kong kơdrâm pôi tá ai ngế ki tâ tú, kô veăng ăm tơdroăng ôm hyô Lâm Đồng rĕng châ po nếo klêi kơ’nâi hiăng kâi mơdât pơreăng.

Gương tơplôu ƀă tơbleăng