VOV4.Sêdang - Drêng tơbâ 46 hơnăm hâi tơleăng lĕm peăng Hdroh, pro tơnêi têa tơrŭm chiâng môi lơ (30/4/1975 - 30/4/2021), kơxo lơ 29/4, Khu pơkuâ ngăn Đảng, Hô̆i đong hnê ngăn, Vi ƀan hnê ngăn, Vi ƀan Măt trâ̆n Tơnêi têa Việt Nam kong pơlê Lâm Đồng hiăng tơkŭm po kân krip rôh pôu ngăn mâu Ngoh khên tơnôu a ilâng kiâ mố đô̆i pơlê kong kơdrâm Đà Lạt. 

Khu kăn pleăng reăng ƀă chôu nhăng a Tíu meăn tơbâ

Tung tơdroăng ki tĭng, mâu hơvĭng reăng ki ối drêh ai inâi “Plâ rơxông chôu pâ hnoăng mâu vâi Ngoh khên tơnôu” ƀă mâu nhang ki châ tâp a tiú ki meăn tơbâ ƀă mơdoh môi iâ kon ko tơbâ troh mâu vâi ngoh, mâu mố đô̆i ki hiăng hlâ tung péa rôh tơplâ xâ khên tơnôu dêi hdroâng mơngế ƀă tơdroăng ki pâ nhuô̆m trâu hngế dêi Đảng ƀô̆, Khu kăn pơkuâ ƀă kuăn pơlê kong pơlê Lâm Đồng kơ mâu ngoh mâu mố đô̆i ki hlâ, mâu ngế ki piu dêi châ chăn vâ rak vế tơniăn krê ăm hdroâng mơngế, hơniâp ro dêi kuăn pơlê.

Klêi leh peăng reăng ƀă chôu nhâng a Tiú meăn tơbâ, kăn pơkuâ kong pơlê ƀă mâu kăn ki ê hiăng troh chôu nhăng a tơrêm to tơnâp mâu ngoh khên tơnôu ki hiăng hlâ.

Gương tơplôu ƀă tơbleăng