VOV4.Sêdang - Vâ pro tơ’lêi hlâu vâ mâu ngế ki lo tơbriât pro kăn Kuô̆k hô̆i hneăng 15 ƀă Kăn Hô̆i đong hnê ngăn rêm râ kong pơlê Lâm Đồng hneăng hơnăm 2021-2026 trâm mâ kuăn pơlê, pêi pro hnoăng mơhnhôk tâ phĭu, Vi ƀan ngăn tâ phĭu kong pơlê Lâm Đồng hiăng tơkŭm mâu rôh trâm mâ a mâu tíu tâ phĭu tung kong pơlê tro tiô pơkâ, ‘na hlá tơdroăng chêh tung hlá mơ-eá ƀă hâi khế pơkâ.

Kuăn pơlê kong pơlê Lâm Đồng séa ngăn inâi kuăn pơlê ki lăm tâ phĭu hdrối hâi tâ phĭu

Tung mê, kong pơlê hiăng tơkŭm po 40 rôh trâm mâ kuăn pơlê a 3 tíu tâ phĭu dah xo kăn Kuô̆k hô̆i hneăng 15, 142 tíu trâm mâ a 18 tíu tâ phĭu rah xo kăn Hô̆i đong hnê ngăn kong pơlê hneăng 10, hneăng hơnăm 2021-2026.

A mâu rôh trâm mâ kuăn pơlê, xuân pêi pro nhên khât mâu pơkâ séa ngăn ƀă rak tơniăn mâu tơdroăng hbrâ mơdât pơreăng COVID-19. Krê to tíu pêi cheăng tâ phĭu kơxô̆ 1 dêi mâu kăn Kuô̆k hneăng 15 mê cho mâu tơring Lạc Dương, Đơn Dương, Đức Trọng ƀă pơlê kong kơdrâm Đà Lạt, xua rơ-iô dêi pơreăng COVID-19, Lâm Đồng hiăng pơ’lêh tơkŭm trâm mâ kuăn pơlê pơla mâu ngế lo tơbriât pro kăn ƀă kuăn pơlê tiô tơdroăng mơ’no tơdrêng.

Troh nôkố, tơdroăng tơkŭm dêi mâu ngế lo tơbriât pro kăn Kuô̆k hô̆i hneăng 15 ƀă kăn Hô̆i đong rêm râ dêi kong pơlê Lâm Đồng hiăng pêi klêi mâu tơdroăng cheăng tro tiô pơkâ.

Gương tơplôu ƀă tơbleăng